اتىراۋ وبلىسىنىڭ اكىمدىگى جەرگىلىكتى ورىنداۋشىلاردىڭ كليپتەرىن ءتۇسىرۋدى قارجىلاندىردى
«وبلىستىق فيلارمونيا كليپتەرگە قاتىسۋ ءۇشىن ۇزدىك انشىلەر مەن تانىمال تۋىندىلاردى تاڭدادى. فيلارمونيانىڭ سوليسى ۆەنەرا ماشقاليەۆا «اگۋگاي دومبىرا» اتتى تانىمال ءاندى شىرقادى. ۆەنەرانىڭ ليريكالىق ورىنداۋى مەن بارلىق شىعارماشىلىق توپتىڭ ساپالى جۇمىسى ءبىزدىڭ تابيعاتىمىزدىڭ ەرەكشەلىگىن تانىتا ءبىلدى.
«اتىراۋ - التىن وردا» اتتى تاعى ءبىر كليپ «مۇراگەر» فولكلورلىق ءانسامبلىنىڭ قاتىسۋىمەن ءتۇسىرىلدى. بۇل ءانسامبلدىڭ ەرەكشەلىگى - فولكلوردى قازاق مۋزىكاسىن جاستار دا قىزىعىپ تىڭدايتىنداي ەتەتىن زاماناۋي ۇلگىدە تۇسىندىرە بىلۋىندە. ءۇشىنشى كليپ ەڭ سەرپىندى بولدى. جەرلەسىمىز شىناربەك حابيەۆتىڭ «مۇنايلى استانا» انىنە تۇسىرىلگەن، وعان اقمارال ءماشىموۆا، ۆەنەرا ماشقاليەۆا، مەدەت قارامىرزا جانە حاميل سۇيەكبايەۆ قاتىستى. ولار - كوپتەگەن رەسپۋبليكالىق جانە حالىقارالىق بايقاۋلاردىڭ لاۋرەاتتارى»، - دەپ حابارلادى قازاقپارات تىلشىسىنە فيلارمونيانىڭ ديرەكتورى عادىل دۇيسەنعاليەۆ.
