قازاقستان مەن رەسەيدىڭ قارىم- قاتىناستارى دوستىققا نەگىزدەلگەن - ەلباسى
بۇگىن اقوردادا فرانسۋز رەسپۋبليكاسىنىڭ پرەزيدەنتى فرانسۋا وللاندپەن كەلىسسوزدەردەن كەيىن تىلشىلەر ساۋالىنا جاۋاپ بەرۋ كەزىندە ەلباسى نۇرسۇلتان نازاربايەۆ وسىلاي ايتتى.
«رەسەي قازاقستاننىڭ وتە ۇلكەن كورشىسى جانە ستراتەگيالىق ارىپتەسى بولىپ تابىلادى. ءبىزدىڭ ورتاق شەكارامىز 7,5 مىڭ شاقىرىمعا سوزىلىپ جاتىر. قازاقستاندا 3 ميلليونعا جۋىق ەتنيكالىق ورىستار تۇرادى. ال رەسەيدە 2 ميلليون قازاق ءومىر سۇرۋدە. ءبىز وسىنداي جاعدايدا ءوزىمىزدىڭ قاتىناستارىمىزدى قالىپتاسقان دوستىق جانە ءوزارا سەنىمدى نەگىزدە جالعاستىرۋىمىز كەرەك»، - دەدى ن. نازاربايەۆ.
ەلباسى ەۋرازيالىق ەكونوميكالىق وداقتى قۇرۋعا ءوزى باستاماشى بولعاندىعىن جانە ە و مەن ە ا ە و اراسىندا ىنتىماقتاستىقتى دامىتۋ كەرەكتىگىن جەتكىزدى.
سونىمەن قاتار ق ر پرەزيدەنتى ە ا ە و- نىڭ قازاقستان تاۋەلسىزدىگىنە، ساياسي ەركىندىگىنە ەش قاتىسى جوق ەكەندىگىن قاداپ ايتتى.
اۆتور: رۋسلان عابباسوۆ
