قولتىراۋىن گولف ويىنشىسىنىڭ اجالىنا سەبەپ بولدى

استانا. قازاقپارات - و ا ر-دا قولتىراۋىن جارىستان كەيىن ويىن الاڭىنداعى توعانعا تىم جاقىن بارعان گولف ويىنشىسى - سپورتشىنى ءولتىردى.

SAPA اگەنتتىگى حابارلاعانداي، قايعىلى وقيعا سكۋكۋزا ماڭىنداعى گولف الاڭىندا و ا ر- داعى كريۋگەر ۇلتتىق ساياباعىندا ورىن العان.

ساياباق قىزمەتكەرىنىڭ ۇلى 29 جاستاعى جاك فان دەر ساندت جاپا شەكتى. ويىننان كەيىن ول گولف الاڭىندا بوگەت رەتىندە پايدالانىلاتىن توعانعا جاقىنداعان. بۇل جەردە ۇزىندىعى 4 مەتر بولاتىن قولتىراۋىن ءجۇزىپ جۇرگەن. ول سپورتشىنى سۋعا تارتىپ الىپ كەتكەن. قۇتقارۋشىلار تاپقانشا، جاك اجال قۇشقان.