مەملەكەت باسشىسى شىمكەنتتەگى كورمەدە جاڭا اكىمشىلىك ورتالىقتىڭ جوباسىمەن تانىستى

شىمكەنت. قازاقپارات - قازاقستان پرەزيدەنتى نۇرسۇلتان نازاربايەۆ شىمكەنتتە جۇمىس ساپارىندا ءجۇر.

 ەلباسى «تۇركىستان» كونگرەسس- حوللىندا بولدى. نۇرسۇلتان نازاربايەۆ قۇرىلىسىنا 1 ميلليارد 564 ميلليون تەڭگە جۇمسالعان نىساندى قاراپ شىقتى. و ق و اكىمدىگىنىڭ حابارلاۋىنشا، مۇندا ەڭ زاماناۋي دىبىستىق، جارىقتىق، اكۋستيكالىق جابدىقتار ورناتىلعان.

 كونگرەسس- حوللدا ق ر پرەزيدەنتىنە قالانىڭ جاڭا اكىمشىلىك ورتالىعىن سالۋ جوبالارى كورمەسى ۇسىنىلدى. مەملەكەت باسشىسىنا وبلىستىق اكىمدىكتىڭ بارلىق باسقارمالارى مەن دەپارتامەنتتەرى، جاڭا مۇراجاي، سالت- داستۇرلەر ورتالىعى كوشەتىن 16 قاباتتى عيماراتتىڭ ماكەتى كورسەتىلدى. بۇدان باسقا، تۇرعىن ۇيلەردىڭ ماكەتتەرى دە ۇسىنىلدى.

 «جاڭا اكىمشىلىك ورتالىقتىڭ قۇرىلىسىنا 18,6 ميلليارد تەڭگە جۇمسالادى. بۇل رەتتە جەكە ينۆەستيتسيالار - 82,1 ميلليارد تەڭگە»، - دەپ باياندادى ەلباسىنا وبلىس اكىمى اسقار مىرزاحمەتوۆ.

«تۇركىستان» كونگرەسس- حوللىندا و ق و- نىڭ زيالى قاۋىمىمەن كەزدەسۋ بولىپ ءوتتى. «پرەزيدەنتتىڭ بىرنەشە جىل بۇرىن قازاقستان حالقى اسسامبلەياسىن قۇرعانى جاقسى بولدى. بۇل جىلدارى ءبىز جۇزدەگەن ۇلتتاردىڭ بەيبىتشىلىك پەن كەلىسىمدە ءومىر ءسۇرۋىنىڭ بىرەگەي مودەلىن قۇردىق»، - دەدى و ق و كارىستەر قاۋىمداستىعىنىڭ مۇشەسى روزا پاك.

بۇگىن پرەزيدەنتتىڭ جاڭا قازاق دراما تەاترىندا بولۋى جوسپارلانۋدا. قۇرىلىسى جاقىندا اياقتالعان وندا قازاق مەملەكەتتىگى قۇرىلۋىنىڭ 550 جىلدىعىنا ارنالعان «ۇلى كوش» پرەمەرالىق سپەكتاكلىنە ازىرلىك قىزۋ جۇرگىزىلۋدە.

 بۇدان كەيىن تاۋەلسىزدىك الاڭىندا جانە «ريكسوس» قوناقۇيىنىڭ اشىلۋىندا بولۋ جوسپارلانىپ وتىر.