جەلتوقسان قۇرباندارىنا «حالىق قاھارمانى» اتاعى بەرىلە مە؟
«جەلتوقسان-86- تاۋەلسىزدىك قىراندارى» رەسپۋبليكالىق قوزعالىسىنىڭ ءتورايىمى گۇلباحرام ءجۇنىستىڭ باستاماسىمەن جازىلعان حاتتا «تاۋەلسىزدىكتىڭ العاشقى قارلىعاشتارى «حالىق قاھارماندارى» اتاعىنا ابدەن لايىق» ەكەنى جازىلعان.
«ەلىمىزدىڭ بولاشاعى ءۇشىن جانىن قۇربان ەتكەن ەربول سىپاتايەۆ، ءلاززات اسانوۆا، ءسابيرا مۇحامەتجانوۆا جانە كەنجەگۇل مولدانازاروۆالاردى حالىق قاھارمانى اتاعىمەن ماراپاتتاۋدى ۇسىنامىز. جەلتوقسان كوتەرىلىسىنىڭ بارلىق كۇرەسكەرلەرى «قازاق ەلىنىڭ قۇرمەتتى ازاماتى - تاۋەلسىزدىك كۇرەسكەرى» دەگەن ءبىرىڭعاي اتاققا لايىق» دەلىنگەن، پرەزيدەنتتىڭ اتىنا جىبەرىلگەن حاتتا.
«ءبىزدىڭ ۇسىنىمىزدى جوعارىداعىلار دا قولداۋدا. اتاپ ايتسام، دەپۋتاتتار سەرىك سەيدۋمانوۆ، قۋانىش سۇلتانوۆ، كامال بۇرحانوۆ مىرزالار جەلتوقسانشىلارعا حالىق قاھارمانى اتاعىن بەرۋدى دۇرىس دەپ سانايتىندىقتارىن ءبىلدىردى. پرەزيدەنتتى دە بۇل ماسەلەدەن حاباردار ەتىپتى. ءبىز سوعان قۋانىپ وتىرمىز» دەيدى، گۇلباحرام ءجۇنىس.
بۇگىندە ۇيىم پرەزيدەنت اكىمشىلىگى جانىنداعى ماراپاتتاۋ بولىمىنە جوعارىدا اتالعان ازاماتتاردىڭ بارلىق قۇجاتتارىن وتكىزگەن. ەندى جەلتوقسان كوتەرىلىسىنىڭ 28-جىلدىعىنا وراي، بيىل 50 جاسقا تولعان ەربول سىپاتايەۆقا «حالىق قاھارمانى» اتاعى بەرىلسە دەگەن ءۇمىت بار.
ult.kz
