ۆەنەسۋەلا پرەزيدەنتى مۇناي باعاسىنىڭ قۇلدىراۋىنا بايلانىستى ءوزىنىڭ ەڭبەكاقىسىن ازايتادى

استانا. قازاقپارات - ۆەنەسۋەلا كوشباسشىسى نيكولاس مادۋرو مۇناي باعاسىنىڭ قۇلدىراۋىنا بايلانىستى مەملەكەتتىك شىعىنداردى قىسقارتۋمەن اينالىساتىن كوميسسيا قۇرىلعانىن جاريالادى، دەپ حابارلادى رەسەيلىك «جاڭالىقتار» اگەنتتىگى.

 كوميسسيا اسىرەسە جوعارعى مەملەكەتتىك شەنەۋكنىكتەردىڭ، مينيسترلەردىڭ جانە ولاردىڭ ورىنباسارلارىنىڭ، سونداي- اق مەملەكەتتىك كومپانيا باسشىلارىنىڭ ەڭبەك اقىسىن تومەندەتۋ ەسەبىنەن شىعىنداردى ازايتۋ جونىندە ۇسىنىستار ءتۇسىرۋى ءتيىس.

 پرەزيدەنتتىڭ ايتۋىنشا، شىعىنداردى قىسقارتۋ قاجەتتىگى مۇنايعا الەمدىك باعانىڭ تومەندەۋى سالدارىنان بولىپ وتىر. مەملەكەت مۇقتاجى ءۇشىن اۆتوموبيلدەر ساتىپ الۋدى مىسالعا كەلتىرە وتىرىپ، مادۋرو: «مەن ماشينالاردى مەديسينالىق قىزمەتتەر ءۇشىن عانا، ولار ناۋقاستاردى قابىلداپ، اۋداندارعا بارۋى ءۇشىن ساتىپ الار ەدىم، ال تورەشىلدەرگە - ماشينا ساتىپ الماس ەدىم»، دەدى.

پرەزيدەنت سونىمەن بىرگە الەۋمەتتىك ماڭىزدى شىعىندارعا - اتاپ ايتقاندا، «تۇرعىن ءۇي»، «تاعام» باعدارلامالارىنا تيىسپەۋگە ۋادە بەردى.

27 - قاراشادا ۆەنادا و پ ە ك مۇشەلەرى ۇيىمنىڭ 2015 - جىلعى ماۋسىمدا بولاتىن كەلەسى وتىرىسىنا دەيىن قازىرگى كۆوتانى ساقتاۋعا شەشىم قابىلدادى. بۇل جاڭالىق مۇناي باعاسىنىڭ قۇلدىراۋىنا اكەپ سوقتى، سەنبى كۇنى پسيحولوگيالىق ماڭىزدى مەجەدەن - باررەلىنە 70 دوللاردان تومەن ءتۇستى.

 باعانىڭ تومەندەۋىنەن مۇناي جانە مۇناي ونىمدەرى ەكسپورتىنىڭ ج ءى ءو- دەگى ۇلەسى ەلەۋلى ەلدەر زيان شەگەدى. ۆەنەسۋەلادا ءى ج ءو- ءنىڭ 21 پايىزى، رەسەيدە - 14 پايىزىن قۇرايدى.