16:03, 23 - قاراشا 2014 | GMT +6
ماسكەۋدە قازاق ءتىلى مەن پوەزياسىنىڭ كەشى ءوتتى - فوتو
ماسكەۋ. قازاقپارات - ماسكەۋدە ءبىلىم الاتىن قازاقستاندىق ستۋدەنتتەر ق ر-دىڭ ر ف-داعى ەلشىلىگىنىڭ قولداۋىمەن «ون عاسىر جىرلايدى» اتتى قازاق ءتىلى جانە پوەزيا كەشىن وتكىزدى.
كەشتە قازاقستاندىق ستۋدەنتتەر 10 عاسىردان بەرگى قازاق پوەزياسىنىڭ ۇلى وكىلدەرىنىڭ ولمەيتىن تۋىندىلارىن پاش ەتتى.
كەش ۇيىمداستىرۋشىسى اتاپ وتكەندەي، قازاق پوەزياسى - ەلىنە، انا تىلىنە دەگەن سۇيىسپەنشىلىككە نەگىزدەلگەن تەرەڭ وي مەن فيلوسوفياعا تولى.
«جىل سايىنعى قازاق ءتىلىن ناسيحاتتاۋعا باعىتتالعان ءداستۇرلى كەشىمىز قازاق جاستارىنىڭ وتانىنان جىراق جۇرسە دە، ءتۇپ-تامىرىن ۇمىتپاي، ءتىلىن، ءدىلىن دارىپتەۋىن كوزدەيدى»، - دەدى ر ف-داعى «ح ب و» ا ق وكىلى فاريدا مىقتىبايەۆا.
شاراعا ق ر ۇلتتىق كاسىپكەرلەر پالاتاسى، رەسەي ج و و، قازاق دياسپوراسىنىڭ وكىلدەرى، قازاقستاندىق ستۋدەنتتەر جانە ت. ب شاقىرىلدى. ءوز ۇلتىنىڭ مۋزىكالىق تۋىندىلارىنا شولدەگەن قوناقتار شارا ۇيىمداستىرۋشىلارىنا شەكسىز ريزاشىلىقتارىن ءبىلدىردى.
