استانادا وتكەن حالىقارالىق فەستيۆال شەتتەگى ونەرلى قانداستاردىڭ باسىن قوستى
اتالمىش شارادا «ءبىر ماقسات، ءبىر مۇددە، ءبىر بولاشاق» اتتى اقىندار ءمۇشايراسى، جىرشى- تەرمەشىلەر سايىسى جانە سۋرەتشىلەر كورمەسى ءوتتى. بۇعان 20 عا جۋىق ەلدەن 80 نەن استام ونەرلى جاستار قاتىستى.
فەستيۆالدىڭ سالتاناتتى اشىلۋىندا حالىقارالىق فەستيۆالعا قاتىسۋشىلارعا ارناپ قر مادەنيەت جانە سپورت ۆيتسە- ءمينيسترى مارات ءازىلحانوۆ، فيلولوگيا عىلىمدارىنىڭ دوكتورى، پروفەسسور مىرزاتاي جولداسبەكوۆ، ەۋروپا قازاقتارى قاۋىمداستىعىنىڭ ءتوراعاسى كايۋم كەسەدجي جانە ت. ب. ءوز قۇتتىقتاۋلارىن جەتكىزدى.
حالىقارالىق ونەر فەستيۆالى اياسىندا وتكەن اقىندار ءمۇشايراسىندا قازىلار القاسىنىڭ شەشىمى بويىنشا باس جۇلدەنى قىتايدان كەلگەن جاس اقىن يساحان ەركىن قانجىعالادى. ءبىرىنشى ورىندى موڭعوليادان كەلگەن ايجان تاباراك قىزى يەلەندى. ەكىنشى ورىن قىتايدان كەلگەن ادال ساعداتقا بۇيىردى. ءۇشىنشى ورىن يەگەرى جاس اقىن مارعۇلان اقان بولسا ىنتالاندىرۋ سىيلىعى يەگەرى قىتايدان كەلگەن رەتبەك ماعاز ۇلى قاناعات تۇتتى.
ال جىرشى-تەرمەشىلەر سايىسى بويىنشا قازىلار القاسىنىڭ شەشىمى بويىنشا باس جۇلدە يەگەرى مونعوليادان كەلگەن شەرىكباي وزگەرىس قانجىعالاسا، ءبىرىنشى ورىن يەگەرى وزبەكستاننان كەلگەن قۋاتبايەۆ ماعاۋيا پەن موڭعوليادان كەلگەن نۇربولات ءابىلحان ءبولىستى. ەكىنشى ورىن يەگەرى بوپ موڭعوليادان كەلگەن راحات قىزى جانارگۇل مەن قىتايدان كەلگەن ءابدۋالى ايدىنگۇل قاناعات تۇتتى. ءۇشىنشى ورىن يەگەرى قىتايدان كەلگەن نۇرتۋعان تۇرسىنعازى مەن قىتايدان كەلگەن انۋار زەينەپكە بۇيىردى. ىنتالاندىرۋ سىيلىعى قىتايدان كەلگەن مۇحتار ايدانا مەن ءاناپيا تىلەۋبايقا بۇيىردى.
حالىقارالىق ونەر فەستيۆالى اياسىندا وتكەن سۋرەت كورمەسى بويىنشا باس جۇلدە يەگەرى قىتايدان كەلگەن قابدەش شالحار، ءبىرىنشى ورىن گەرمانيادان كەلگەن بولات مەكەبايەۆقا، ەكىنشى ورىن وزبەكستاننان كەلگەن قۇلمانوۆ ەرىككە، ءۇشىنشى ورىن قىتايدان كەلگەن باۋىرقان جالىنعا، ىنتالاندىرۋ سىيلىعى قىتايدان كەلگەن جانات سەيدحاميدكە بۇيىردى.
كەش سوڭىندا جۇلدەگەرلەردى ق ر مادەنيەت جانە سپورت مينيسترلىگى مەن جاس كاسىپكەرلەر پالاتاسى بەكىتكەن ارنايى اقشالاي سىيلىقتارمەن جانە ديپلومدارمەن ماراپاتتالدى، ءارى كونسەرتتىك باعدارلامالار قويىلدى.
ق ر مادەنيەت جانە سپورت مينيسترلىگىنىڭ ۇيىمداستىرىۋىمەن ءوتىپ جاتقان شارانىڭ ماقساتى - اتامەكەننەن الىستا جۇرگەن ونەرلى جاستاردىڭ باسىن قوسىپ، ەلىنە دەگەن ساعىنىشىن باسۋ. سىرتتا جۇرسە دە ءتىلى مەن ءدىلىن ۇمىتپاي، اتا-ءداستۇر مەن ۇلتتىق ونەردى ۇلىقتاعان جاستاردىڭ مەرەيىن ءوسىرىپ، مارتەبەسىن كوتەرۋ. سولار ارقىلى شەتەلدە تۇراتىن وتانداستىرىمىزبەن مادەني جانە رۋحاني بايلانىس ورناتۋ.
كونە كۇندەردىڭ وشپەس رۋحىن تاڭبالاپ، عاسىرلار شەگىنەن كوكتەي ءوتىپ، ءبىزدىڭ زامانىمىزعا جەتكەن، بۇگىندە حالقىنا قادىرى ارتا تۇسكەن اقىندىق ونەردى ناسيحاتتاۋ. سونداي-اق، شەتەلدەگى قازاقتىڭ جاس وركەن اقىندارىن بايقاۋعا قاتىستىرۋ ارقىلى ولاردىڭ وتانشىلدىق سەزىمىن ۇشتاپ، اتاجۇرتى، انا وتانىنا دەگەن ماحابباتىن ارتتىرۋ، مەملەكەتتىك ءتىلدىڭ مارتەبەسىن ودان ءارى اسپەتتەۋ. ءالى تانىلا قويماعان جاس اقىنداردى انىقتاۋ. وسىنداي كولەمدى ءىس-شارالار ارقىلى ءار ەلدە جۇرگەن قازاق جاستارى اراسىنا التىن كوپىر بولۋ.
عاسىرلار بويى بابالار ارمانىمەن، ەرلىك ىستەرىمەن قول جەتكىزىلگەن تاۋەلسىزدىگىمىزدى تۋ ەتىپ جاس ۇرپاقتى وتانسۇيگىشتىككە، ۇلتجاندىلىققا جەتەلەۋ. تەرمە سياقتى حالقىمىزدىڭ قاستەرلى ونەرلەرىن كەڭىنەن ناسيحاتتاپ، ونىڭ قىر-سىرىن سازدى اۋەن، ناقىل ءسوز ارقىلى جىرمەن جەتكىزگەن قازاق حالقىنىڭ ءتول ونەرىن، ۇرپاقتان-ۇرپاققا ساباقتاستىعىن جالعاستىرۋ.
تابىسپەن اياقتالعان بۇل جولعى فەستيۆالدىڭ بەرگەن اسەرى قاتىسۋشى ونەرلى جاستارعا دا، بايقاۋدى كورىپ كوزايىم بولعان كورەرمەندەرگە دە ەرەكشە بولدى دەپ ايتۋعا بولادى. «ءبىر ماقسات، ءبىر مۇددە، ءبىر بولاشاق» دەپ اتالعان بۇل سياقتى نيەتى يگى حالىقارالىق ونەر فەستيۆالىنەن سوڭ ءار ەلدە شاشىراپ جۇرگەن قازاق جاستارى تۇبىندە ءبىر تۋدىڭ استىنا، ءبىر ءۇمىتتىڭ سوڭىنا، ءبىر بولاشاقتىڭ جولىنا تۇسەدى دەپ سەنەمىز.
بةيسةن سذلتان ذلئ
