17:42, 23 - قىركۇيەك 2014 | GMT +5
الماتى حايۋاناتتار باعىندا كەرىك تولدەدى
الماتى. قازاقپارات - الماتى حايۋاناتتار باعىندا كەرىكتىڭ ءتولى دۇنيەگە كەلدى. بۇل تۋرالى قازاقپارات تىلشىسىنە زووباقتىڭ باسپا ءسوز حاتشىسى ميحايل سوروكوۋموۆ حابارلادى.
«حان مەن گراتسيانىڭ ءتولى وسىدان ءبىر اي بۇرىن دۇنيەگە كەلگەن بولاتىن. الايدا، ءتىل-كوزدەن ساقتاسىن دەپ كىشكەنە كەرىكتى ەشكىمگە كورسەتپەدىك. ەركەك بۇزاۋعا ءالى ات بەرمەدىك»، - دەدى م. سوروكوۋموۆ.
كىشكەنە ءتولدىڭ بويى 2 مەترگە جۋىقتايدى. قازىر ول ءوزىن جاقسى سەزىنەدى.
«ەكى كۇن بۇرىن وتارىنا قوستىق. بارلىعى ونى يىسكەلەپ، تانىسىپ جاتىر. الايدا جاقىندا تۋىلعان گنۋ انتيلوپاسىنا ءتولىن قوسپاي ءجۇرمىز. ويتكەنى، ءتولدىڭ قاۋىپسىزدىگى ءۇشىن الاڭدايمىز»، - دەدى باسپا ءسوز حاتشىسى.
بۇل الماتى حايۋاناتتار باعىندا دۇنيەگە كەلگەن كەرىكتىڭ التىنشى ءتولى ەكەندىگىن ايتا كەتۋ كەرەك.
اۆتور: گۇلميرا عوسمانالي
