بايان- ولگيدە ەر جانىبەكتىڭ تويى باستالدى
بۇگىن اشىلۋ سالتاناتىنىڭ قۇرمەتىنە وراي «ەر جانىبەك جانە موڭعوليا قازاقتارى» اتتى حالىقارالىق عىلىمي كونفەرەنتسيا ءوز مارەسىنە جەتتى.
اشىلۋ سالتاناتىنا م ۇ ق مۇشەسى، مەملەكەتتىك قۇرىلىمدار جونىندەگى تۇراقتى كوميتەتىنىڭ ءتوراعاسى باكەي اعىپار ۇلى، ءا و ق ءتوراعاسى ءلاززاتحان بۇراڭ ۇلى، ايماق اكىمى دارمەن قۇزىكەي ۇلى سونداي- اق دۇنيەجۇزى قازاقتارى قاۋىمداستىعىنىڭ ءتوراعاسىنىڭ ورىنباسارى تالعات ماماشيەۆ، ۇيىمداستىرۋ ءبولىمىنىڭ مەڭگەرۋشىسى بوتاگوز ۋاتحان جانە «ەر جانىبەك» حالىقارالىق قورىنىڭ پرەزيدەنتى ماقسۇت تەمىربايەۆ باستاعان وكىلدەر قاتىستى. عىلىمي كونفەرەنتسيا حالىق جازۋشىسى شىناي راقمەت، مۇقامەتقازى مۇقامەدقالي باستاعان اعا بۋىننىڭ قۇتىقتاۋىمەن باستالدى. باياندامادا العاشقى بولىپ ءسوز العان حابساتار ومار ۇلى «جانىبەكتىڭ ەرلىگىن» بايانداسا، قازاق ەلىنەن كەلگەن مۇقامەتقازى مۇقامەدقالي ەر جانىبەكتىڭ قابىرىن قالاي تاپقانىن انگىمەلەپ بەردى. ءارى قاراي ءناپىل بازىلحان جانىبەكتىڭ كوشپەندى ومىرىمەن ساباقتاستىرا باياندادى. موڭعولياداعى قانداسىمىز جاناربەك اقىبي كوكبورىلىك توتەم عۇن داۋىرىمەن جانىبەك جانە قازىرگى حالىق اراسىنداعى كوكبورىلىك توتەم تۋراسىندا بايانداما جاسادى. ءوزىن جانىبەكتىڭ 7 ۇرپاعىمىن دەپ تانىستىرعان ەربول جانىبەك باتىردان تاراعان ۇرپاقتى ءسوز ەتتى. بايانداما جاساعانداردى ومىربەك بيقۇمار ۇلى ايماق قۇرىلتاي ءتوراعاسىنىڭ ارنايى العىس حاتىمەن ماراپاتتادى.
baq.kz
