تەڭگەنىڭ الەۋەتى جوعارلايدى

 بۇل تۋرالى بۇگىن الماتىدا وتكەن باسپا ءسوز ءماسليحاتىندا ق ر ۇلتتىق بانكىنىڭ ءتوراعاسى قايرات كەلىمبەتوۆ مالىمدەدى.

باس بانكيردىڭ ايتۋىنشا، بۇل شەشىم ق ر ۇكىمەتىمەن كەلىسۋ ارقىلى قابىلدانعان.

«جالپى جىل باسىنان بەرى، ۆاليۋتالىق باعامنىڭ اۋىتقۋ شەگى 183,5 تەڭگە مەن 182 تەڭگەنىڭ اراسىندا بولىپ كەلگەنى ءمالىم. ال سوڭعى ءۇش اپتادا ۇلتتىق ۆاليۋتانىڭ باعامى 182 تەڭگەنىڭ اينالاسىندا بولدى. دەمەك، تەڭگەنىڭ الەۋەتى جوعارى دەگەن ءسوز. سايكەسىنشە، ۇلتتىق بانك تەڭگەنى ودان ءارى نىعايتۋ، ياعني ءدالىزدى كەڭەيتۋ كەرەكتىگى جونىندە شەشىم قابىلدادى» - دەدى ءوز سوزىندە ۇلتتىق بانكتىڭ ءتوراعاسى.

ايتا كەتەلىك، بۇعان دەيىن تەڭگەنىڭ اۋىتقۋ باعامىن ۇلتتىق بانكتىڭ باسقارماسى ۇستىمىزدەگى جىلدىڭ اقپان ايىندا 185 +/- 3 تەڭگە كولەمىندە بەلگىلەگەن بولاتىن.

اۆتور: جاپپاربەرگەن ايبوتا