مەكتەپ وقۋشىسى اسقازان اۋرۋىن ەمدەيتىن ءدارى ويلاپ تاپتى

استانا. قازاقپارات - مەكتەپتە الۋامەن دوس بولعىسى كەلەتىن وقۋشىلار وتە كوپ. ۇستازدارى دا ءجيى ماقتايدى.

كەيدە ەركەلەتىپ، «ءبىزدىڭ دارىگەر» دەپ اتايتىندارى بار. الۋا مۇنداي جىلى ءسوزدى كوپ مالدانبايدى. الدىمەن العا قويعان ماقساتىما جەتسەم دەيدى.

شيپالى ءدارى جاساعانىن اتا-اناسى ەستىگەندە، قاتتى قۋانىپتى. سول ساتتە انانى قۋانىشقا بولەۋدىڭ قانشالىقتى ماڭىزدى ەكەنىن ءتۇسىندى... ءبىز №53-مەكتەپ-ليتسەيدىڭ ماقتانىشىنا اينالعان الۋامەن سويلەسكەن ەدىك.

- ءيا، اسقازان اۋرۋلارىن ەمدەيتىن «روكاليم» دەگەن كوپىرگىش ءدارى جاساعانىم راس، - دەپ اڭگىمەسىن باستادى الۋا.

- ءدارى وسىمدىك سىعىندىسىنان دايىندالعان. قۇرامىندا تۇيمەداق، قىرمىزى گۇل جانە ءزىمبىر سىندى دارىلىك وسىمدىك بار. بۇل وسىمدىكتەر ادام دەنساۋلىعىنا، اسىرەسە، اسقازانعا وتە پايدالى. جارانى جازادى، قابىنۋدىڭ الدىن الادى. ءدارىنى جاساماس بۇرىن اسقازان اۋرۋلارىن ەمدەيتىن دارىلەردىڭ قۇرامىن وقىدىم. كوبىنە اليۋميني مەن ماگني گيدروكسيدى قوسىلادى ەكەن.

ال «روكاليم» تەك تابيعي وسىمدىكتەردەن تۇرادى. نەگىزىنەن كوپىرگىش دارىلەر اس قورىتۋ جۇيەسىنە زاقىم كەلتىرمەيدى. سۋعا سالعاندا، قۇرامىنداعى زاتتاردىڭ ەمدىك قاسيەتى ارتادى. سول سەبەپتى «روكاليمدى» ءىش قاتقاندا، تاماقتان ۇشىنعاندا، ءىش اۋىرعاندا ىشۋگە بولادى.

ۇلان: «روكاليم» دەگەن قانداي ماعىنا بىلدىرەدى؟

الۋا: رو-روماشكا، كال-كالەندۋلا، يم-يمبير. ياعني، قۇرامىنداعى وسىمدىكتەردىڭ اتاۋلارى

قىسقارتىلىپ الىندى. ءبىز دارىگە تاجىريبەنى ۇزاق جاسادىق. اتا-انام، تۋىستارىمدا ءىشتى. قۇربىمنىڭ اسقازانى ءجيى اۋىراتىن. ءدارىنى ىشكەن سوڭ، اۋرۋ باسىلعانىن ايتىپ، قۋانتتى. وسى ساتتەن باستاپ، جۇمىسقا دەگەن قۇلشىنىس ارتا ءتۇستى.

ۇلان: قانداي جارىستارعا قاتىستىڭ؟

الۋا: ءساۋىر ايىندا استاناداقالالىق مەكتەپ وقۋشىلارى اراسىندا «ۇزدىك عىلىمي جوبا» سايىسى ءوتتى. مەنىڭ جۇمىسىم ۇزدىك شىعىپ، 1-ورىن الدىم. قازاق تەحنيكالىق جانە بيزنەس ۋنيۆەرسيتەتى XIV رەسپۋبليكالىق عىلىمي جوبا جارىسىن ۇيىمداستىردى. وسى دودادا 2-ورىندى يەلەندىم. الماتىداوتكەن رەسپۋبليكالىق «دارىن» بايقاۋىندا لاۋرەات اتاندىم. «روكاليمدى» جاساعانىمىزعا كوپ ۋاقىت بولمادى. سول سەبەپتى جارىستار ءالى الدا دەپ بىلەمىن.

بۇگىندە اتا-انالار دا، بالالار دادەنساۋلىققا ءمان بەرمەيدى. دۇرىستاماق ىشپەيمىز. كوپشىلىك بوياۋى كوپ، فاست-فۋدقا قۇمار. مۇنداي تاعامداردى جەگەن سوڭ، اسقازان قىزمەتى بىرتە- بىرتە ناشارلايدى. سوسىن ءدارىحاناعا جۇگىرەمىز. ال اسقازاندى ەمدەيتىن دارىلەردىڭ دەنى گيدروكسيدتەردەن جاسالعان. بۇل دەنساۋلىققا اسا پايدالى دەپ ايتا المايمىن. سول سەبەپتى ادامدارعا كومەك كورسەتكىم كەلدى. وسىمدىكتەردىڭ سىعىندىسىنان جاسالعان ءدارىنىڭ ەش زيانى جوق. ەلىمىزدە ەمدىك شوپتەر وتە كوپ وسەدى. وكىنىشتىسى، پايداسىن بىلە بەرمەيمىز.

ۇلان: الۋا، ءدارى جاساۋعا كىم كومەكتەستى؟

الۋا: مەنىڭ سۇيىكتى ءپانىم - حيميا. تەك ەسەپ شىعارىپ، ءۇي تاپسىرماسىن ورىنداپ جۇرگىم كەلمەدى. رەاكسيانى، قوسپانى، قىشقىلداردى ءوز كوزىممەن كورىپ، جۇمىس جاساعىم كەلدى. ءسويتىپ، وقۋشىلار سارايىنا حيميا ۇيىرمەسىنە قاتىسۋعا بەكىندىم. ۇيىرمە جەتەكشىسى ەرلان سۇلەيمەنوۆ وتە ءبىلىمدى كىسى. ءوز ءىسىن، جۇمىسىن جاقسى بىلەدى. كوپ نارسەنى ۇيرەتتى. ەگەر ۇيىرمەگە قاتىسپاعانىمدا، مۇنداي جەتىستىككە جەتپەس ەدىم.

ۇلان: وسىمدىك سىعىندىسى قالاي الىنادى؟

الۋا: بۇل وڭاي ەمەس. ماعان دوسىم رامازان كومەكتەستى. الدىمەن 10 گرام قىرمىزى گۇلدى 1 ليتر سۋعا قايناتامىز. قالدىقتارىن ءسۇزىپ، تاپ-تازا سۇيىقتىق الامىز. وسى سۇيىقتىقتى ۆاكۋۋمدىق روتوراپپاراتىندا 1-2 ساعات قايناتامىز. سوندا سۇيىقتىق قوڭىر ءتۇستى قۇرعاق ۇنتاققا اينالادى. مۇنى سىعىندى دەپ اتايمىز.

ۇلان: «روكاليمدى» مەديتسينالىق تەكسەرۋدەن وتكىزدىڭ بە؟

الۋا: قازىر «يننوۆاتسيالىق فورساج» دەگەن جارىسقا دايىندالىپ جاتىرمىن. جەڭىسكە جەتسەم، قارجى بولىنەدى. ءدارىنى مەديتسينالىق تەكسەرۋدەن وتكىزىپ، سەرتيفيكات السام دەگەن ارمانىم بار. ءبىز دارىلىك وسىمدىكتەردىڭ پايداسىن بىلمەيمىز. مىسالى، تۇيمەداقتىڭ گۇلدەرى دەنەدەن تەر شىعارادى، اۋىرعان جەردى باسادى، بۇلشىق ەتتىڭ تىرىسۋىنا جول بەرمەيدى. تۇنباسى اسقازاننىڭ، توق ىشەكتىڭ قابىنۋىن ەمدەيدى. شەتەلدەن ءدارى العانشا، وسى ەمدىك شوپتەردى ەل يگىلىگىنە جاراتسام دەيمىن...

اڭگىمەلەسكەن گۇلفاريدا زەينۋللينا

ZHASORKEN. KZ ·