تۇركيادا حيرۋرگيانىڭ كومەگىمەن ساقال ەگۋ سانگە اينالعان

استانا. قازاقپارات - ساقال-مۇرت قويۋ باقىتى بارىنە بۇيىرا بەرمەيدى.
None
None

سوندىقتان شەتەلدىك دارىگەرلەر ونى قولدان ءوسىرۋدى ويلاپ شىعاردى.

قازىر مۇنداي وپەراتسيالار تۇركيادا كوپتەپ جاسالادى. ساقالدى ناعىز ەركەكتىڭ ءسانى، - دەپ ەسەپتەيتىن تۇرىكتەر، ءتىپتى بۇل ءۇشىن قىرۋار قارجى قيۋعا دا دايىن. ءبىر وپەراتسيانىڭ قۇنى 12 مىڭ دوللارعا دەيىن بارادى.

باقىتجان ومار، ءتىلشى:

تۇركيادا ترانسپلانتاتتىق حيرۋرگيا دامىپ كەلەدى. ەلدە بۇل ۇعىمنىڭ پايدا بولعانىنا ەكى-ءۇش جىلداي ۋاقىت ءوتتى. سوڭعى كەزدەرى، تۇرىكتىڭ كلينيكالارىنا الىس-جاقىن شەتەلدەردەن كەلىپ، شاش جانە ساقال وسىرگىسى كەلەتىندەردىڭ سانى ارتتى. ءبىر كلينيكانىڭ وزىنە ءبىر ايدا 60 قا جۋىق ادام ءوتىنىش بىلدىرەدى.

ساقال-مۇرت وسىرۋگە نيەت بىلدىرگەندەردىڭ كوبى اۆستراليا، ساۋد ارابياسى، يوردانيا جانە ەۋروپا ەلدەرىنەن. «بەتتەگى تۇك - شىعىستا ناعىز ەركەكتىكتىڭ بەلگىسى»، - دەيدى ولار. تۇرىكتەر دە وسىنداي پىكىردى ۇستانادى. سوندىقتان قولدان ساقال ءوسىرۋ ءۇشىن ايلاپ كەزەككە تۇرادى.

فەيمان دۋيگۋ ۇنۆەر، پلاستيكالىق حيرۋرگ:

بۇل - شاشقا جاسالاتىن وپەراتسياعا وتە ۇقساس. باستىڭ ارتقى جاعىنداعى تالداردى الىپ، يەككە وتىرعىزامىز. ارينە، مۇنىڭ ءبارى ناركوزبەن جاسالادى. وپەراتسيانىڭ ۋاقىتى ساقالدىڭ كولەمىنە بايلانىستى. كەي-كەزدەردە 4 ساعاتقا دەيىن بارادى.

ساقالدىڭ كولەمى تەك ۋاقىتقا ەمەس، قاراجاتقا دا بايلانىستى بولادى. نەعۇرلىم قالىڭىراق ساقال قويعىڭىز كەلسە، سوعۇرلىم كوبىرەك تولەيسىز. نەگىزگى باعا 2, 5 مىڭ مەن 12 مىڭ دوللار اراسىندا.

حاكان اتالاي، انكارا قالاسىنىڭ تۇرعىنى:

مەندە وسىدان 3  جىل بۇرىن ساقال مەن مۇرت مۇلدە بولماعان. قازىر وزدەرىڭىز كورىپ وتىرسىزدار. ءساتتى جاسالعان وپەراتسيا مەن جاقسى كۇتىمنىڭ ارقاسىندا وسىنداي ناتيجەگە قول جەتكىزدىم. ساقال ءبىز ءۇشىن وتە ماڭىزدى نارسە. وسمان يمپەرياسىنىڭ باتىرلارىندا دا بولعان.

حاكان دارىگەردىڭ سوڭعى قابىلداۋىندا. ەندى ول ساقال-مۇرتىنا مۇلدە الاڭدامايدى. سەبەبى، قىرىپ تاستاسادا، وسى قالپىندا قايتا ءوسىپ شىعادى.

فەيمان دۋيگۋ ۇنۆەر، پلاستيكالىق حيرۋرگ:

وپەراتسيانى جاساتىپ جاتقانداردىڭ كوبى جاستار. كەيبىرەۋى ءسان ءۇشىن قويسا، ەندى بىرەۋلەر ەرەسەك كورىنۋ ءۇشىن وسىنداي قادامعا بارادى. اسىرەسە، بيزنەسمەندەر كوپ. ولار ساقال-مۇرت ارقاسىندا وزدەرىن موسقالداۋ، سالماقتىلاۋ كورسەتكىسى كەلەدى.

ساقال قويۋ مادەنيەتىنىڭ تاريحى تەرەڭدە. ءبىزدىڭ داۋىرىمىزگە دەيىن ءار ەلدە ساقال-مۇرت ءوسىرۋدىڭ سالتى مەن ماعىناسى ءارتۇرلى بولعان. كەيبىر حالىق، ءتىپتى، ونىڭ جاماندىقتان

قورعايتىن كيەسى بار ەكەنىنە سەنگەن. ۋاقىت وتە كەلە ساقال قويۋدىڭ ءمانى وزگەرىپ، قازىر ول كوبىنە «يەكتىڭ ءسانى» رەتىندە قابىلدانىپ ءجۇر.

«قازاقستان» تەلەارناسى

سوڭعى جاڭالىقتار