جاقسىلىق ورىنباسار: ورالماندار ساياساتقا ساۋاتسىز
وسىدان ءبىراز ۋاقىت بۇرىن ەكونوميكا جانە بيۋدجەتتى جوسپارلاۋ ۆيتسە-ءمينيسترى ءمادينا ءابىلقاسىموۆا «ەڭبەككە جارامدى ورالمانداردىڭ 8,6 پايىزى جوعارعى ءبىلىمدى، 20,6 ورتا ءبىلىمدى، 71 پايىزىنىڭ جالپى ءبىلىم بار نەمەسە مۇلدەم ءبىلىم الماعان... بۇل ماسەلە ورالمانداردىڭ قوعامعا ءسىڭىسىپ كەتۋىنە كەدەرگى بولۋدا» دەپ مالىمدەمە جاساعان ەدى.
وسىعان بايلانىستى 5-6 - شىلدەدە استانادا وتكەن ايتىستا مۇحتار نيازوۆپەن ءسوز سايىستىرعان جاقسىلىق ورىنباسار بىلاي دەگەن ەدى. "ولەڭگە اركىمنىڭ-اق بار تالاسى" جوباسىندا بۇگىن قازى بولىپ وتىرعان جاقسىلىقتىڭ وسى شۋماعىن ۇسىندىق.
...ءمينيسترىم ساۋاتسىز دەپ ايتىپتى،
ودان مەنىڭ كەمىمەيدى مەرەيىم،
ورالماندار شىنىندا دا ساۋاتسىز،
مەن ءوزىم-اق ءتىزىپ ايتىپ بەرەيىن.
ورالماندار ءتىل جاعىنان ساۋاتسىز،
وزگە ءتىلدى قاپەرىنە ىلمەيتىن.
شالا ءتىلدى ادامداردان ۇلگى الىپ،
انا تىلدە مىڭگىرلەۋدى بىلمەيتىن.
ورالماندار ماحابباتقا ساۋاتسىز،
وزگە ۇلتپەن بولا المايتىن ەتە-ەنە.
ورىستارمەن وتاۋ قۇرا المايتىن،
نەمىستەرمەن تۇرا المايتىن نەكەگە.
ورالماندار ساۋداعا دا ساۋاتسىز،
سوندىقتان دا ەتە المايمىن مەن ماقتان.
ءبىز شەتەلگە بالا ساتىپ جاتقاندا،
سول شەتەلدەن بالاسىمەن كەپ جاتقان.
ورالماندار تاربيەگە ساۋاتسىز،
بالالاردى توپىرلاتىپ تاپتىرعان،
دايىن تۇرعان ساديكتەرگە جىبەرمەي،
ۇيدە وتىرعان شال-كەمپىرگە باقتىرعان.
ورالماندار ساياساتقا ساۋاتسىز،
اشىلمايتىن تەرەزەنى قاعاتىن.
ازاماتتىقتى الاقويشى دەسەڭ دە،
ءتورت، بەس جىلداي ءجۇرىپ ارەڭ الاتىن.
ورالماندار ونەرگە دە ساۋاتسىز،
كوشتەن قالعان كوزقاراسپەن تالدايتىن.
دالاداعى ايتىستارعا جۇگىرىپ،
سارايداعى كونسەرتتەرگە بارمايتىن.
ورالماندار مادەنيەتكە ساۋاتسىز،
سەكسەندەگى شالدىڭ ءوزىن بيلەتكەن.
حارلەم شەيككە قارىق بولىپ جۇرگەندە،
قايداعى ءبىر قاراجورعانى ۇيرەتكەن.
ءمينيسترىم ويلاساڭشى دۇرىستاپ،
جەتكىزىڭدەر جاقسىلىقتىڭ سالەمىن،
ساۋاتسىزدى ساۋتسىز دەۋ ءۇشىن دە
ساۋاتتىراق بولۋ كەرەك دالەلىڭ.
بارلىق قازاق اتا جۇرتقا ورالىپ،
تۋىستارىڭ تولتىرسا ەكەن جەردى بوس،
كەلگەندەردى كەۋدەسىنەن قاقپاساق،
قابدەش كوشى بولمايدى ەندى سوڭعى كوش،
ازاماتتىق الۋ جاعى شەشىلسە،
"سوڭعى كوشىڭ" بولمايدى ەندى سورلى كوش.
