ەگەر ۇيقىڭىز قانباسا وندا ءسىز

استانا. قازاقپارات - از عانا ۋاقىت ۇيىقتاپ، امالسىز ويانىپ، كۇنى بويى ماۋجىراپ جۇرەمىز.
None
None

ول مۇمكىن جۇمىسقا (ساباققا) كەشىكپەي بارۋ ءۇشىن ەرتە ويانۋدان شىعار، مۇمكىن تۇندە ەرتە ۇيىقتاۋدىڭ مۇمكىندىگى جوقتىعىنان شىعار، مۇمكىن ءتۇنى بويى كوز ىلە الماي، ۇيقىسىزدىق اۋرۋىنا شالدىققاننان شىعار.

ايتەۋىر ءبىر قاجەتتىلىكتەن شالا-شارپى كوز شىرىمىن الامىز.

ءبىراق، ۇيقىعا سالعىرت قاراماۋ قاجەت. ويتكەنى، ۇيقىنىڭ قانعان-قانباعانى ادامنىڭ سىرت كەلبەتىنە (سىمباتىنا) تىكەلەي اسەر ەتەدى، اسىرەسە ايەلدەرگە بەرەر زالالى بار. امەريكالىق عالىمدار ۇيقىنىڭ جەتى ساعاتتان كەم بولماۋ كەرەكتىگىن، بەس ساعات جانە ودان از ۇيىقتايتىن ايەلدەردىڭ تەز تولىپ، قايتا سالماق تاستاۋى قيىنعا سوعاتىنىن انىقتادى.

ۇنەمى ۇيقى قانباي، ماۋجىراپ ءجۇرۋ اعزانىڭ زات الماسۋىن تىم باياۋلاتىپ، دەنەدە ماي جينالىپ، سالماقتىڭ ارتۋىنا الىپ كەلەدى ەكەن. تويا تاماق ءىشۋ قانباعان ۇيقىعا قوسىلىپ، ادام دەنەسىن تىم السىرەتىپ، دىڭكەسىن قۇرتادى.

جۇمىسقا زاۋقى سوقپاي، قيمىلداۋعا ەرىنىپ، وتىرىپ الادى نە مۇمكىندىك بولسا، تاماقتانا سالا، ۇيىقتاي كەتەدى. دۇرىس قورىتىلىپ، دەنەگە تاراماعان تاماقتىڭ سوڭى سەمىزدىككە الىپ كەلەدى.

سوندىقتان، ۇيقىڭىزدىڭ قانىق بولۋى - دەنساۋلىعىڭىزدىڭ عانا ەمەس، سىمباتىڭىزدىڭ دا كەپىلى.

سوڭعى جاڭالىقتار