قازاقستانداعى تەڭىز پورتىنىڭ دامۋى

استانا. قازاقپارات -  ەلىمىزدىڭ ەگەمەندىك جىلدارداعى جەتىستىگى تۋرالى دەرەكتەر. بۇگىن قازاقستاندا تەڭىز پورتىنىڭ دامۋىنا توقتالامىز.
None
None

 اقتاۋ-  قازاقستاننىڭ جالعىز حالىقارالىق تەڭىز ساۋدا پورتى. ول ارقىلى جىل سايىن 12 ميلليون تونناعا جۋىق جۇك تاسىمالدانادى.

 جالپى كاسپي تەڭىزى ارقىلى وتەتىن جۇك اينالىمىنىڭ 30 پايىزى وتاندىق پورتتىڭ ۇلەسىندە. ءارى ونىڭ تاۋار الىپ ءوتۋ مۇمكىندىگى 16,5 ميلليون توننادان اسادى. كوبىنە اقتاۋ پورتى ارقىلى مۇناي، استىق، مەتالل بۇيىمدارى مەن جۇك جونەلتىلەدى. حالىقارالىق تەڭىز ساۋدا پورتىن جاڭعىرتۋ ماقساتىندا 1997 - جىلى بيۋدجەتتەن 75 ميلليون دوللار ءبولىندى.

ەكى جىلدىڭ ىشىندە پورت تۇبەگەيلى دامىپ، جۇك تيەۋ مۇمكىندىگىن جىلىنا 1,55 ميلليون تونناعا جەتتى. قازىر ءوندىرىستى اۆتوماتتاندىرۋ ءىسى قولعا الىندى. پورتتىڭ سولتۇستىك باعىتىن كەڭەيتۋ ماقساتىندا ءۇش جۇك تەرمينالىن سالۋ جۇمىستارى جۇرگىزىلۋدە. نىسان ىسكە قوسىلاتىن بولسا، جۇك وتكىزۋ مۇمكىندىگى 2,5 ميلليون تونناعا كەڭەيەدى.

ال تۇتىنۋشىلارعا جىلدام قىزمەت كورسەتۋ ءۇشىن 2012 - جىلى ارنايى ورتالىق قۇرىلدى. ناتيجەسىندە قۇجاتتى راسىمدەۋ ۋاقىتى 6 ساعاتتان45 مينۋتقا دەيىن قىسقاردى. اقتاۋ پورتى ازيا مەن ەۋروپانىڭ كوپتەگەن ەلدەرىنىڭ سۋ مەن قۇرلىق، تەمىرجولدىڭ توعىسار تورابىندا ورنالاسقان. بۇل پورتتان كەمەلەر كاسپي تەڭىزى ارقىلى استراحانعا، ودان ەدىل- دون كانالى ارقىلى قارا تەڭىزى مەن جەرورتا تەڭىزدەرىنە جانە مۇحيتتارعا شىعا الادى. اقتاۋعا كەلىپ تۇسكەن جۇك تەمىرجول، اۆتوموبيل جولدارى ارقىلى رەسپۋبليكاعا، سىبىرگە، شىعىس ەلدەرىنە تارايدى.

 اقتاۋ پورتى ارقىلى تاسىمالداناتىن مۇنايدىڭ 80 پايىزى وتاندىق مۇناي تانكەرلەرى ارقىلى جەتكىزىلەدى. بىلتىر جۇك تاسيتىن ەكى كەمە ىسكە قوسىلدى. ەلىمىزدە تىركەلگەن كەمەلەردىڭ جالپى سانى 300 گە جۋىق.

24.kz/kz  

سوڭعى جاڭالىقتار