ماسكەۋدەگى قازاقتار اۋىزاشار بەردى
رەسەيدىڭ باس شاھارىندا، بىرنەشە جىلدان بەرى تەگىن اۋىزاشار بەرىلىپ كەلەدى، دەپ حابارلايدى «قازاقستان» ۇلتتىق ارناسى.
«رامازان شاتىرى» دەپ اتالاتىن قايىرىمدىلىق شاراسى كەزىندە، الىپ مەگاپوليستەگى ءتۇرلى ۇلت پەن ۇلىستىڭ وكىلدەرى كۇن سايىن، كەزەك-كەزەك باسقوسۋ ۇيىمداستىرادى.
ماسكەۋدەگى مۇنداي اۋىزاشاردىڭ ءوتىپ جاتقانىنا بيىل 9 - جىل بولدى. جىلداعى داستۇرگە ساي، بيىل دا مەموريالدى مەشىتتىڭ جانىنان 500 ادامدىق رامازان شاتىرى تىگىلدى. بۇل - ءتۇرلى ۇلت پەن ءدىن وكىلدەرىنىڭ باسىن قوساتىن بەرەكەلى جەر.
رەسەي استاناسىنداعى جالپى حالىقتىڭ، نەبارى 0,1 پايىزىن عانا قۇرايتىن قازاق دياسپوراسى دا، بۇل ساۋاپتى ىسكە بەلسەنە قاتىسۋدا.
قازاقتار جايعان داستارقانعا جۇرت كوپ كەلدى. كەش بارىسىندا ۋاعىز ايتىلىپ، قۇران وقىلدى. سودان سوڭ حالىق اندەرىمىز شىرقالىپ، ەلوردامىز استانا تۋرالى فيلم كورسەتىلدى. سەبەبى، قانداستارىمىز قايدا جۇرسە دە، قازاقتىڭ قامىن ويلايدى.
رامازان شاتىرى - رەسەي مۇفتيلەر كەڭەسى مەن ماسكەۋ ۇكىمەتى بىرلەسىپ قولعا العان جوبا. وسى ايدىڭ سوڭىنا دەيىن، بۇل جەرگە بارلىعى 15 مىڭنان اسا ادام كەلىپ اۋىز اشادى.
