شىمكەنتتە جالعىز جورتقان قاراقشى ۇستالدى

استانا. قازاقپارات - شىمكەنتتە بىلتىردان بەرى 20 دان استام كولىكتى ايداپ كەتكەن ۇرى ۇستالدى.
None
None

25 جاستاعى جىگىت ولجالاعان تەمىر تۇلپارلارىن ۇيىنە اپارىپ بولشەكتەپ، قالا ماڭىنداعى بىرنەشە بازاردا ساتىپ جۇرگەن.

ءبىر قىزىعى ول تەك Mazda ماركالى ماشينالارعا كوز تىككەن. ونىڭ سىرىن ەسىگىن اشۋ وڭاي جانە ءبىر كىلت بارىنە تۇسە بەرەدى دەپ تۇسىندىرگەن. ول الدىمەن اۋلادا قاراۋسىز تۇرعان اۆتوكولىكتى تاڭداپ، دابىلى جوعىنا كوزى جەتكەننەن كەيىن بارىپ، ايداپ كەتىپ وتىرعان.

ءبىر جارىم جىلدان بەرى ءىزىن اڭدىعان ءتارتىپ ساقشىلارى ونى كەزەكتى ۇرلىق ۇستىندە قولعا تۇسىرگەن. جاس جىگىتتىڭ گاراجىنان 2 ءبۇتىن كولىك پەن قولدى بولعان باسقا دا تەمىر تۇلپارلاردىڭ ساتىپ ۇلگەرمەگەن قوسالقى بولشەكتەرى تابىلعان.

جالپى شىعىن 20 ميلليوننان تەڭگەدەن اسادى. قازىر وعان قاتىستى ۇرلىق، وزگەنىڭ مۇلكىن زاڭسىز يەلەنۋ سىندى ايىپتار تاعىلىپ وتىر.

سالتانات قاراكوزوۆا، وبلىستىق ءى ءى د مەملەكەتتىك ءتىل جانە اقپارات باسقارماسىنىڭ باسشىسى: - قىلمىستى ءوزى جاسايتىن بولعان. ءوزى ۇرلايدى. ءوزى بولشەكتەيدى جانە دە ءوزى ساتادى. سوندىقتان بۇل قىلمىس پوليتسيا قىزمەتكەرلەرىنە ءبىراز قيىندىق تۋىنداتتى. 1,5 -جىلدىڭ ىشىندە ول ۇرلانعان كولىكتىڭ پايداسىن كورىپ، وزىنە ءۇي دە سالىپ العان.

24.kz

سوڭعى جاڭالىقتار