قويمەن جىلقى شارۋاشىلىعىن قولدايتىن «التىن اسىق» جانە «قۇلان» باعدارلاماسى جۇزەگە اسادى

اتاپ ايتقاندا، قازىرگى تاڭدا شارۋالار تەحنيكا مەن قۇرىلعىلاردى ساتىپ الۋعا، بورداقىلاۋ الاڭدارىن، قۇس فابريكالارىن، ەت كومبيناتتارىن، قۇراماازىق ءوندىرۋ زاۋىتتارىن سالۋعا جۇمساعان ينۆەستيتسيالىق شىعىندارىن 50 پايىز سۋبسيديا الادى. سونىمەن قاتار، جىل سايىن سۋبسيديالاۋ كولەمى ارتىپ، سۋبسيديا تولەۋ تەتىكتەرى جەتىلدىرىلىپ وتىر.
سونىمەن قاتار، القا وتىرىسىندا قوي جانە جىلقى شارۋاشىلىعى، سونداي- اق ءسۇتتى مال شارۋاشىلىعى سالالارىنىڭ جاڭا نەسيەلىك ونىمدەرى ۇسىنىلدى. اتاپ ايتقاندا، 2014 - جىلدان باستاپ «اگرارلىق نەسيەلىك كورپوراتسياسى» اق اۋىل شارۋاشىلىعى تاۋار وندىرۋشىلەرىنە «التىن اسىق» باعدارلاماسى بويىنشا قويلاردى ساتىپ الۋدى، «قۇلان» باعدارلاماسى بويىنشا جىلقى شارۋاشىلىعىن دامىتۋدى جانە جايىلىمداردى سۋلاندىرۋدىڭ ينفراقۇرىلىمى قۇرىلىسىن نەسيەلەندىرۋدى جۇزەگە اسىرۋدى باستايدى. نەسيە %14 جىلدىق مولشەرمەن (قارىزدىڭ ماقساتتى جاراتۋىنا بايلانىستى %4- دان %7- عا جىلدىق مولشەرمەن سۋبسيديالاۋدى ەسكەرىپ) مالدىڭ انالىق باسىن، جىلقى مەن اسىل تۇقىمدى وندىرۋشەلىردى ساتىپ الۋعا، اينالىمدىق قاراجاتتاردى تولىقتىرۋعا بەرىلەدى.
بۇدان بولەك، «اۋىل شارۋاشىلىعىن قولداۋدىڭ قارجىلىق قورى» اق جانە «قازاگروقارجى» ا ق ارقىلى «ىرىس» ءسۇتتى مال شارۋاشىلىعىنداعى فەرمالاردى دامىتۋدى نەسيەلەندىرۋ باعدارلاماسى جۇزەگە اسىراتىن بولادى. نەسيەنى %14 جىلدىق مولشەرمەن (%7جىلدىق مولشەرمەن سۋبسيديالاۋدى ەسكەرىپ) 84 ايلىق مەرزىمگە دەيىن الۋعا بولادى. باعدارلامانىڭ نەگىزگى ماقساتى - قۋاتتىلىعى 50, 100, 200 باسقا ارنالعان ءسۇتتى- تاۋارلى فەرمالاردى دامىتۋ.
القا وتىرىسىنىڭ قورىتىندىسى بويىنشا اۋىل شارۋاشىلىعى جانۋارلارىن ونىمدىلىگى مەن ەكسپورتقا باعىتتالعان ءونىم ءوندىرىسىنىڭ كولەمىن جوعارلاتۋ اياسىندا تاپسىرمالار بەرىلدى.
اۆتور: قانات مامەتقازى ۇلى