قازاقستاندا كۇزدە العاشقى شارؤاشئلئق ۇشاق شىعارىلادى

ەسكە سالا كەتەيىك، زاۋىت «يندۋستريالدى- يننوۆاتسيالىق دامۋ» باعدارلاماسى بويىنشا 2011 -جىلى ىسكە قوسىلعان بولاتىن. كاسىپورىندا قۇراستىرىلاتىن «فەرمەر-2» جانە «فەرمەر-500» دەپ اتالاتىن شاعىن ۇشاقتار ەگىستىكتى حيميكاتتارمەن وڭدەپ، تىڭايتقىش سەبۋگە جانە شارۋاشىلىق القاپتارىن زەرتتەۋگە ارنالعان. الايدا زاڭدىق قۇجاتتاردا كەتكەن كەمشىلىكتەر كەسىرىنەن وسى كۇنگە دەيىن بىردە- ءبىر ۇشاق جاسالعان جوق. تەك بيىل عانا بۇل ماسەلە وڭ شەشىمىن تاپتى. زاۋىت كەلەسى جىلى تولىق وندىرىستىك قۋاتىنا قوسىلعان كەزدە جىلىنا 36 ۇشاق جاساۋ مۇمكىندىگىنە يە بولادى.
وبلىس اكىمىنىڭ ورىنباسارى ءانۋار احمەتجانوۆتىڭ ايتۋىنشا، جىل باسىنان بەرى قازان قالاسىنان كەلگەن ماماندار اۆياتسيا زاۋىتىندا ەڭبەكتەنىپ جاتىر. ولار وندىرىسكە الەمنىڭ وزىق تەحنولوگياسىن ەنگىزە وتىرىپ، ۇشاق ءوندىرىسىن قولعا الماق. وندا «قازاۆياسپەكتور» زاۋىتىنىڭ دا جۇمىسكەرلەرى ەڭبەك ەتەتىن بولادى.