تۇركى دۇنيەسىنە ورتاق ءان-كۇي مەرەكەسىندە قانداسىمىز، ايتىس اقىنى ءابدىعاني ءبازىلحان ارناۋ جىرىن توكپەلەدى

 استانا.قازاقپارات - بىلتىر قاراتاۋدىڭ باسىنان عاسىرلار سارىنىن تيەپ جەتكەن كوشتىڭ تارازدا تەڭى شەشىلىپ، التىن ساندىعى اشىلعاندا، ودان ءىنجۋ-مارجان تەكتەس مۇرالارىمىزدىڭ ساۋلاي توگىلىپ، كوككە اۋەلەي قانات قاققانى، وعان الەمنىڭ ءار تۇكپىرىندە تىرلىك كەشىپ جاتقان ءتۇبى ءبىر تۇركى جۇرتى ونەرشىلەرىنىڭ دە سىرنايلى سازىن قوسقانى ەستەن شىعا قويعان جوق.
None
None

تۇركى دۇنيەسىنە ورتاق ءان-كۇي وتاۋى تارازدا مىنە، تاعى دا شاڭىراعىن كوتەردى. كەشە قاسيەتتى اۋليە اتا وڭىرىندەⅡ حالىقارالىق «قاراتاۋ سارىنى» ءداستۇرلى مۋزىكا فەستيۆالى باستالدى.

كونسەرت زالىندا وتكەن سالتاناتتى «TURKSOY» تۇركى مادەنيەتىن جانە ونەرىن دامىتۋ حالىقارالىق ۇيىمىنىڭ وكىلى مالىك وتاربايەۆ پەن وبلىس اكىمدىگى مادەنيەت، مۇراعاتتار جانە قۇجاتتاما باسقارماسى باسشىسىنىڭ مىندەتىن اتقارۋشى د. بىقىبايەۆ اشىپ، جينالعان جۇرتشىلىقتى ونەر مەرەكەسىمەن قۇتتىقتاپ، قاتىسۋشىلاردىڭ ونەر جولىنداعى قادامدارىنا ساتتىلىك تىلەدى. بۇدان ءارى فەستيۆالدى ۇيىمداستىرۋشىلارعا «TURKSOY» ۇيىمى مەن تۇركيانىڭ ەسكي شەحير قالاسى اكىمدىگىنىڭ ەسكەرتكىش سىيلىقتارى تابىستالىپ، «الاتاۋ» فولكلورلىق ءانسامبلىنىڭ ۇجىمى مەيماندار قۇرمەتىنە اننەن، كۇيدەن شاشۋ شاشتى. قىتاي حالىق رەسپۋبليكاسىنان كەلگەن ايتىس اقىنى ءابدىعاني ءبازىلحان ارناۋ جىرىن توكپەلەدى.

وسىنىڭ از- اق الدىندا وتكەن باسپا ءسوز ءماسليحاتىندا ءمالىم بولعانىنداي، بۇل ءىس- شارا مادەنيەت مينيسترلىگى مادەنيەت جانە ونەر ىستەرى كوميتەتىنىڭ كەلىسىمىمەن، «TURKSOY» تۇركى مادەنيەتىن جانە ونەرىن دامىتۋ حالىقارالىق ۇيىمى مەن وبلىس اكىمدىگىنىڭ قولداۋىمەن ءوتىپ جاتىر. وعان تۇركيا، ءازىربايجان، وزبەكستان، موڭعوليا، قىرعىزستان، قىتاي ەلدەرىنىڭ ونەر شەبەرلەرىمەن قاتار، ەلىمىزدىڭ استانا مەن الماتى قالالىق، قاراعاندى، وسكەمەن، جەزقازعان، اقتوبە، اتىراۋ، ماڭعىستاۋدان وبلىستىق فيلارمونيالاردىڭ انشىلەرى، بەلگىلى ءداستۇرلى ورىنداۋشىلار، جامبىل وبلىسىنىڭ ونەرپازدارى دا قاتىسۋدا.

بۇل كۇنى «ءداستۇرلى كۇي مەرەكەسى» اياسىندا قوبىزشى راۋشان ورازبايەۆا (استانا) ، ءانشى نيليۋفەر وعىز، اسپاپتا ويناۋشىلار گوكحان قارا، مەحمات فەرحات، رىدۆان سايىن (تۇركيا) ، كۇيشى ايگۇل ۇلكەنبايەۆا (الماتى) ، ناي اسپابىندا ويناۋشى باتىر دوسىمبەتوۆ (وزبەكستان) ، جەتىگەنشى اسىلاي اپەنوۆا (الماتى) سەكىلدى ونەرپازدار مەن «كەرۋلەن» ەتنو-فولكلورلىق توبىنىڭ (الماتى) ، قازاق ۇلت اسپاپتارى وركەسترىنىڭ (جامبىل) ونەرلەرىن كورەرمەن قاۋىم قىزىعا تاماشالادى.

بيىل وبلىسىمىزدىڭ قۇرىلعانىنا 75 جىل تولۋى مەرەيتويى اياسىندا ءوتىپ جاتقان ءىس- شارا بۇگىن «ءداستۇرلى ءان مەرەكەسىنە»، ورتالىق الاڭدا مىڭنان استام ادامنىڭ قازاقتىڭ 10 ءانىن تانىمال انشىلەرمەن بىرىگە ورىنداۋى سالتاناتىنا ۇلاسپاق.

مالىك وتاربايەۆ،  «TURKSOY» حالىقارالىق ۇيىمىنىڭ وكىلى:

- فەستيۆال جالپى تۇركى مادەنيەتى، تۇركى دۇنيەسى ءۇشىن دە ايرىقشا ماڭىزدى. ۇيىمىمىز 1993- جىلى ەلباسىمىزدىڭ باستاماسىمەن ەل ارالىق مادەني بايلانىستاردى نىعايتۋ ماقساتىندا قۇرىلعان. قازاقتىڭ ۇلتتىق داستۇرلەرىن دە ناسيحاتتايمىز. بيىل «ناۋرىزتوي» تۇركيانىڭ 20 قالاسىندا وتكىزىلدى. ب ۇ ۇ شتاب پاتەرىندە، فرانتسيا قالاسىندا دا ۇيىمداستىرىلدى. تۇركى كەڭىستىگىنە ورتاق داستۇرلەر شىعىسقا دا، باتىسقا دا كەڭ كولەمدە تانىستىرىلۋدا. ۇيىم اياسىندا تۇراقتى وتەتىن حالىقارالىق مۋزىكا فەستيۆالدەرى دە بار. ءازىربايجاننىڭ، قىرعىزستاننىڭ تانىمال تۇلعالارىنىڭ مەرەيتويلارىن وتكىزۋگە دە ۇيىتقى بولدىق. بيىل تۇركيادا ء«بىرجان- سارا» وپەراسى العاش تۇرىك تىلىندە قويىلدى. تارازدا مىناداي تۋىستاس سانداعان حالىق وكىلدەرىن بىرىكتىرەتىن ۇلكەن مادەني جوبانىڭ جۇزەگە اسىرىلۋى ۇلكەن قۋانىش. بۇل ءۇشىن وبلىس اكىمىنە، وبلىستىق فيلارمونيا باسشىسىنا ايتار العىسىمىز شەكسىز.

رەجەپ ەردوعان، ەسكى شەحير قالالىق مادەنيەت باسقارماسى باسشىسىنىڭ ورىنباسارى (تۇركيا) :

- نەگىزى، قازاقتىڭ ەڭ كونە قالالارىنىڭ ءبىرى دە بىرەگەيى تارازعا العاش كەلۋىم. حالىقارالىق فەستيۆالگە قاتىسىپ وتىرعانىما وتە قۋانىشتىمىن. جالپى، بىزدە، تۇركيادا مۋزىكاعا ەرەكشە ءمان بەرىلەدى. ءبىزدىڭ قالامىزدىڭ وزىندە ءتۇرلى دەڭگەيدەگى بايقاۋلار، كينو، تەاتر، مۋزىكا، بي فەستيۆالدەرى تۇراقتى ءارى ءجيى وتكىزىلەدى. اسىرەسە، جاز ايلارىندا بوس وتكەن ءبىر كۇن بولمايدى. ءوزىم باستاپ كەلگەن توپتىڭ قۇرامىندا ءداستۇرلى ءانشىمىز دە «بەندش»، «كەمالى»، «باعلاما» سەكىلدى شەكتى، ۇرمالى ۇلت اسپاپتارىمىزدا مۋزىكا ورىنداۋشىلارىمىز دا بار. ولار بۇل فەستيۆالگە العاش رەت قاتىسىپ وتىر. تۇركى مادەنيەتىن دامىتۋ ماقساتىندا قۇرىلعان حالىقارالىق ۇيىمى، تۇركى كەڭەسىنىڭ شەشىمىمەن قالامىزعا 2012 - جىلى «مادەنيەتتىڭ استاناسى»، ال، 2013 - جىلى «مادەنيەتتىڭ باس قالاسى» مارتەبەسى بەرىلدى. وسىدان كەيىن-اق مادەنيەت پەن ونەرگە قاتىستى شارالار وتكىزۋ جيىلەدى بىزدە. جىل ىشىندە 400  دەي حالىقارالىق فەستيۆال وتكىزۋگە قول جەتكىزدىك. قالا بويىنشا مادەنيەت سالاسىنا جىل سايىنعى بولەتىن قارجى كولەمى 50 ميلليون دوللاردى قۇراپ وتىر.

 بايماحانبەت احمەت

akjolgazet.kz 

سوڭعى جاڭالىقتار