19:02, 23 - ماۋسىم 2014 | GMT +5
ەندى «قازاقستان بارىسىنىڭ» ءدامىن تاتۋعا بولادى
استانا. قازاقپارات - كوپ ۇزاماي «قازاقستان بارىسى» اتتى ءسۇت ساتىلىمعا شىعادى.

بۇل تۋرالى تۋرنيردىڭ Instagram-داعى رەسمي پاراقشاسىندا حابارلاندى.
«جاقىن كۇندەرى ەلىمىزدىڭ دۇكەندەرىنەن «قازاقستان بارىسى» اتتى ءسۇتتى ساتىپ الۋعا بولادى.
جەتىستىككە بىزبەن بىرگە جەتىڭىزدەر»، - دەلىنگەن اقپاراتتىق حابارلامادا.
ەسكە سالا كەتەيىك، قازاق كۇرەسىنەن «قازاقستان بارىسى» تۋرنيرى 2010 - جىلدان باستاپ وتكىزىلۋدە. جوبا حالىقتىق سيپاتقا يە بولىپ، ەلىمىزدىڭ سپورت ومىرىندەگى ەڭ ەلەۋلى شارالاردىڭ بىرى دەپ تانىلىپ وتىر.
بيىل ۇلتتىق جوبا 29 - ماۋسىمدا وتەدى. تۋرنيرگە قازاقستاننىڭ بارلىق وڭىرلەرىنەن جالپى 23 پالۋان قاتىسادى. باس سىيلىق - التىن «تايتۇياق». ونىڭ قۇنى رەسمي دەرەكتەر بويىنشا 150 مىڭ دوللارعا تەڭ.
اۆتور: جاسۇلان جولدىبايەۆ