تەلەديدار بالالاردىڭ سويلەۋ قابىلەتىن بۇزادى
ۇيىمىزدە كۇندىز-ءتۇنى قوسىلىپ تۇراتىن تەلەديدار تەك ەلەكتر قۋاتىن جۇمساپ قانا قويماي، سونىمەن قاتار بالالاردىڭ دامۋىنا كەرى اسەرىن تيگىزەتىن كورىنەدى.
بالالاردىڭ سويلەۋ قابىلەتى اتا-انالارىمەن قارىم-قاتىناس جاساعان كەزدە جاقسى داميدى. اتا-انالارى اقىلىن ايتادى، بالا تىڭدايدى. ال ۇيدە كوبىنە تەلەديدار سويلەپ تۇرسا، اتا-انا مەن بالانىڭ اراسى سالقىنداۋعا اكەلىپ سوعادى.
زەرتتەۋ كەزىندە ماماندار 2,3 جانە 4 جاستاعى بالالاردى اتا-انالارىنا الدىمەن تىنىشتىقتا، سوسىن تەلەديدار قوسىلىپ تۇرعان بولمەدە ويناۋلارىن سۇراعان. تەلەديدار قوسۋلى تۇرعان بولمەدە ويناعان كەزدە اتا-انالار بالالارىمەن سيرەك سويلەسكەنى بايقالعان.
«بالانى دامىتۋدىڭ بىردەن-ءبىر ءتاسىلى ول - ويىن! بالا جاڭا سوزدەردىڭ كوپشىلىگىمەن اتا-اناسىمەن ويناۋ كەزىندە تانىسا الادى. بالالارمەن ويناۋ كەرەك، ءبىراق تەلەديدار الدىندا ەمەس»، - دەيدى زەرتتەۋدىڭ اۆتورى تيففاني پەمپەك.
ايتا كەتەيىك، امەريكالىق پەدياتريا اكادەمياسى 2 جاسقا دەيىنگى بالالارعا تەلەديداردى مۇلدە كورسەتپەگەن ابزال دەپ كەڭەس بەرەدى.
