استانادا جۇكتى ايەلدىڭ مي ىسىگىنە وتا جاسالدى

«جۇكتى ايەلدەردىڭ مي ىسىگىن الىپ تاستاۋ وتاسى وتە كۇردەلى وپەراتسيالداردىڭ ءبىرى. كوپتەگەن جىلدار بويى انانىڭ ءومىرىن امان الىپ قالۋ ءۇشىن جۇكتىلىكتى توقتاتاتۋعا ءماجبۇر بولاتىنبىز.
جاڭا تەحنولوگيالار دامىعان سايىن ءادىس تاسىلدەر دە وزگەرەدى. سوڭعى جىلدارى مي ىسىگى بار جۇكتى ايەلدەردىڭ ءومىرىن ساقتاۋعا مۇمكىندىك تۋدى. العاش رەت 2008 - جىلى ءبىزدىڭ ورتالىقتا جۇكتى ايەلدىڭ ميىنا وتا جاسادىق. وسىلاي ءبىر ۋاقىتتا انانىڭ دا، بالانىڭ دا ءومىرىن امان الىپ قالدىق. بۇل ت م د ەلدەرىندەگى العاشقى وتا بولاتىن» ، - دەدى سەرىك اقشولاقوۆ.
ۇلتتىق نەيروحيرۋرگيا ورتالىعى ءتوراعاسىنىڭ ايتۋىنشا، ستاتيستيكا بويىنشا انانىڭ جۇكتى كەزىندەگى مي ىسىگىنىڭ اسقىنۋى 24 پايىزعا دەيىن جەتەدى ەكەن.
« مي ىسىگى مەن جۇكتىلىك جاعدايى 13000-17000 ادامدا ءبىر كەزدەسەدى. بۇگىنگى تاڭدا ورتالىقتا 20 دان استام ايەلگە وپەراسيا جاسادىق. بارلىق ناتيجە جاقسى» ، - دەيدى دارىگەر. انىقتاپ ايتار بولساق، ۇلتتىق نەيروحيرۋرگيا ورتالىعىندا بەس جىل ۋاقىت ىشىندە 21- 35 جاس ارالىعىنداعى 22 ايەلدىڭ ميىنا وتا جاساعان.
ال، وپەراسيانى جاقىندا باسىنان وتكەرگەن ايەل 32 اپتالىق، ياعني جەتى ايلىق جۇكتىلىكتە بولعان ەكەن.
Baq.kz