الماتىلىق وقۋشىلارعا ءبىتىرۋ كەشىن جاساۋعا تىيىم سالىندى
اتالمىش قاۋلىمەن قالاداعى وقۋ ورىندارىنىڭ وقۋشىلارى مەن ولاردىڭ اتا-انالارىنا مامىر ايىنىڭ ورتاسىندا تانىستىرىلعان.
بۇل تۋرالى Almaty.tv تىلشىسىنە №15-لينگۆيستيكالىق گيمنازيانىڭ ديرەكتورى مارال قاليەۆا مالىمدەدى.
«قاۋلىدا بەلگىلەنگەندەي، مۇعالىمدەر مەن اتا-انالار ءبىتىرۋ كەشى دەپ نەمەسە ۇستازعا، ديرەكتورعا، مەكتەپكە سىيلىق جاساۋ ماقساتىندا اقشا جيناۋعا تىيىم سالىنادى.
رەسمي تۇردە بەلگىلەنگەندەي، اتتەستاتتى بەرۋ ءراسىمىن وتكىزۋگە رۇقسات بەرىلگەن.
ال ەرتەسىندە «جاس تۇلەككە» قاتىسۋ بولادى. مەرەكەلىك شارا بىتىسىمەن، ساعات 22:00 دە بالالار اتا-انالارىنا تابىستالادى. ءبىزدىڭ مەكتەپتىڭ اتا-انالارى كوڭىل كوتەرەتىن جەرلەردە ءبىتىرۋ كەشىن جاساۋعا بولمايتىندىعى تۋراسىندا حاباردار»، - دەدى قاليەۆا.
كوتپەگەن اتا-انالار «مەيرامحانادا كەش جاسامايمىز»، - دەپ كەلىسىمگە قول قويدى. ءبىراق بۇل 11-سىنىپ وقۋشىلارىنىڭ كوڭىلدەرىن تۇسىرە قويمادى.
«مەن ءۇشىن ەڭ باستىسى، جوعارى وقۋ ورنىنا ءتۇسۋ. ال ءبىتىرۋ كەشى ەكىنشى كەزەكتە تۇر. بۇل جاڭالىقتى ەستىگەندە كوڭىلىم تۇسپەدى. بار ويىم ۇ ب ت-نى جاقسى تاپسىرۋدا بولدى»، - دەدى №2-ورتا مەكتەپتىڭ 11«ا»-سىنىپ وقۋشىسى باعداۋلەت مۇحتاروۆ.
«بىزگە ءبىتىرۋ كەشىن جاساماۋ تۋرالى ەسكەرتتى. ءبىراق ءبىز - رەسپۋبليكالىق مەكتەپپىز. ءبىز «جاس تۇلەككە» بارمايمىز. اقشا دا جيناپ قويدىق. ءبىتىرۋ كەشىن جاسايمىز»، - دەدى رەسپۋبليكالىق فيزيكا-ماتەماتيكا مەكتەبىنىڭ 11«ا»-سىنىپ وقۋشىسى مۇحامەد تيگەل.
«مەن جاساۋعا بولمايتىندىعىن بىلەم. ءبىراق مەن قاتتى كوڭىلىمە المادىم. ءبىز ءبىتىرۋ كەشىنە دايىندالمادىق تا، ءبىز ءۇشىن ەڭ باستىسى - ۇ ب ت-نى ويداعىداي تاپسىرۋ»، - دەدى №29-ورتا مەكتەپتىڭ وقۋشىسى ايدار ايتمولدين.
ءبىلىم باسقارماسى «قانداي سەبەپتەرگە بايلانىستى ون ءبىرىنشى سىنىپ وقۋشىلارى ءبىتىرۋ كەشىن كوڭىل كوتەرەتىن جەرلەردە جاساۋلارىنا بولمايدى»، دەگەن سۇراققا، «ەشقانداي قاۋلى شىقپادى، شىققان جاعدايدا دا بۇل سۇراققا ءبىلىم جانە عىلىم مينيسترلىگى جاۋاپ بەرەدى»، - دەپ جاۋاپ قايىردى. ال مينيسترلىك اتالمىش سۇراققا قالالىق باسقارمانى جاۋاپتى ەتتى. ولار تەك وتەتىن كۇنىن انىقتايدى. ال قاشان جانە قايدا وتەتىنىن قالالىق ۆەدومستۆا شەشەدى.
«الماتى» تەلەارناسى
