ەمتيحان سۇراعىندا « الماتىداعى سىرا زاۋىتى قاشان اشىلدى؟ » دەگەن ساۋال قويىلعان جوق
بۇل تۋرالى بۇگىن « ۇلتتىق تەستىلەۋ ورتالىعى» ر م ك ك ديرەكتورى قالي ابديەۆ ءمالىم ەتتى.
« وكىنىشكە وراي اينۇر دەگەن قىز ايتىپتى. ونىڭ تەست نۇسقاسىن قازىر سىزدەرگە كورسەتە الامىن. وندا ونداي سۇراق جوق. بولعان ەمەس. نەگە ولاي ايتقانىن تۇسىنبەي وتىرمىن. اتا- انالار دايىندىق بارىسىندا كوردىك دەيدى. ول بولۋى مۇمكىن. ويتكەنى الدىڭعى جىلى مۇنداي سۇراق بولعان ەدى» ، - دەدى ق. ابديەۆ ب ا ق وكىلدەرىنىڭ ۇ ب ت- داعى « الماتىداعى سىرا زاۋىتى قاشان اشىلدى؟ » دەگەن ساۋالدىڭ ورىندى- ورىنسىزدىعىنا قاتىستى ساۋالىنا.
ونىڭ اتاپ وتۋىنشە، اپەللياتسيالىق كوميستسيا بۇل ساۋالدىڭ ۇ ب ت- دا ورىندى قويىلعاندىعىن ءمالىم ەتىپ وتىر.
«سەبەبى قازاقستان تاريحى پانىندە ۆەرنىي قالاسىنىڭ دامۋى جونىندە، ونداعى كاسىپورىنداردىڭ اشىلۋى، سونىڭ ناتيجەسىندە ەكونوميكاسىنىڭ كوتەرىلگەندىگى تۋرالى ارنايى تاقىرىپتار بار. ونىڭ ىشىندە ۆەرنىي قالاسىندا 19- عاسىردىڭ 2 - جارتىسىندا ەڭ ءبىرىنشى اشىلعان كاسىپورىن - سىرا زاۋىتى تۋرالى دا بار. سىرا دەگەن ۇياتتى ءسوز ەمەس قوي» ، - دەدى ق. ابديەۆ.
« ءبىز قازىر اينۇر دەگەن قىزدان كەشىرىم سۇراۋدى تالاپ ەتەمىز. بولماسا، ارى قاراي ءتۇسىندىرىپ كورۋگە تىرىسامىز. تەلەارنادا نەگە ولاي ايتقانى تۇسىنىكسىز» ، - دەپ قوستى ول.
ۇلتتىق تەستىلەۋ ورتالىعى كەيبىر تەست سۇراقتارىندا كەمشىلىكتەردىڭ كەتكەنىن دە مويىندايدى.
« ۇلتتىق ءبىرىڭعاي تەستىلەۋگە ارنالعان سۇراق كىتاپشالارى بىرنەشە رەت تەكسەرىستەن وتەدى. ءبىراق ول ءبىزدىڭ باسپاحانادا باسىلعاندىقتان، كەيبىر كەمشىلىكتەر بولعانى راس. اتاپ ايتقاندا، فيزيكا پانىنەن ءبىر سۇراقتىڭ سۋرەتى كىتاپشاعا تۇسپەي قالعان. ورىس ءتىلى ءپانى بويىنشا ءبىر ءسوزدىڭ استى سىزىلماي قالعان» ، - دەدى ق. ابديەۆ.
اۆتور: مارلان جيەمباي
