قىتايداعى قانداسىمىز ەرلانبەك مەملەكەتتىك جارىستا باس جۇلدەنى جەڭىپ الدى

استانا.قازاقپارات - قىتايدا تۇراتىن قانداسىمىز ەرلانبەك كاتەي ۇلى ەركىن كۇرەستەن تايۆان قالاسىندا وتكىزىلگەن 2014 - جىلعى بۇكىل مەملەكەتتىك ەرلەر بىرىنشىلىگىندە 65 كەلى سالماقتا قارسىلاس شاق كەلتىرمەي، باس جۇلدەنى جەڭىپ الدى.

وسىدان بىرەر كۇن بۇرىن قىتايدا تۇراتىن قانداسىمىز قازاقتىڭ قاراكوز قىزى - اينۇر ماۋلەت قىزى قىتايدىڭ مەملەكەتتىك سىيلىعىن جەڭىپ الدى دەپ ءشۇيىنشى سۇراعان ەدىك. مىنە، بۇگىن اراعا بىرنەشە كۇن سالىپ، وقىرماندارىمىزبەن تاعى ءبىر ءسۇيىنشىلى جاڭالىعىمىزدى بولىسكەندى ءجون كوردىك. قىتايدا تۇراتىن تاعى ءبىر قانداسىمىزەرلانبەك كاتەي ۇلى ەركىن كۇرەستەن تايۆان قالاسىندا وتكىزىلگەن 2014 - جىلعى بۇكىل مەملەكەتتىك ەرلەر بىرىنشىلىگىندە 65 كەلى سالماقتا قارسىلاس شاق كەلتىرمەي، باس جۇلدەنى جەڭىپ الدى.

 ەرلانبەك شىنجاڭ ولكەسى التاي ايماعى قىزىلتاس اۋىلىندا دۇنيەگە كەلگەن. ول قازىر قىتايدىڭ ىشكى ولكەسى جيۋ چۋان سپورت مەكتەبىندە جاتتىعادى.