توبەدەن تۇسكەن بايلىقتار

ال، 1954- جىلى امەريكا قالاسى ديەۆەنپورتتا جاۋعان جاۋىن اينالانى كوگىلدىر تۇسكە بوياعان. بۇل جاۋىنداردىڭ سىرى نەدە؟

1904-جىلى تۇرعان داۋىل موسكۆا وزەنىنىڭ سۋىن ۇشىرىپ جىبەرگەندە ۇلكەن وزەننىڭ ءتۇبى كورىنىپتى. پوسەلوكتىڭ ءۇيىن ۇشىرىپ قيراتقان داۋىل ءۇي ىشىندەگى بۋفەتتى ءبىر ىدىسىن دا سىندىرماي ەكىنشى ورىنعا اپارىپ قويعان كورىنەدى. گايتي ارالىنان مول جاڭعاق جۇلىپ العان جەل ونى 1500 ك م جەردەگى امەريكا جاعالاۋىنا اپارىپ شاشىپتى.

جۇلىك-تورنادا كادىمگى شاڭ سورعىش سەكىلدى. جولىنداعىنىڭ ءبارىن سورىپ، جۇلىپ كەتە بەرەدى. ءبىراق ءبارىن الىپ كەتە بەرمەيدى. ول اينالاسىمەن ازىلدەسكىسى كەلەتىندەي: ۇلكەن جۇك تيەلگەن ۆاگوندى جولدان تايدىرسا، ۋىسىنا تۇسكەن تاۋىق ۇشىپ كەتپەي بارلىق قاۋىرسىنىنان ايىرىلىپ امان قالعان. ال جانىنداعى جۇمىرتقالار تارس-تارس جارىلعان كورىنەدى.

تابيعاتتىڭ كەرەمەتى دە، جۇمباعى دا كوپ ونىڭ كوپ سىرىن بىلمەيمىز اۋ ءبىز. كوزى مەن ءسوزىن بىلمەگەن سوڭ سىرىن قالاي سۇراپ الارسىڭ. ەگەر تابيعات سويلەپ كەتسە، نەگە ولاي دەپ ءبارىمىز سوڭىنان قالماي قويار ەدىك-اۋ.

ەندى مىنا قىزىق جايتتى قاراڭىز: 1899- جىلى امەريكا اكتەرى چارلز كوگلەن باسقا ەلدە گاسترولدە ءجۇرىپ قايتىس بولادى. ول بايعۇس سول جەردە جەرلەنەدى. كەلەسى جىلى قاتتى داۋىلدان تۇرعان تاسقىن مۇردەلەردى شايىپ، ونىڭ سۋ كىرمەيتىن تابىتىن سۋ الىپ كەتەدى. مۇحيتتا توعىز جىلداي ءجۇزىپ، سىرتىنىڭ ءبارىن سۋ وسىمدىكتەرى باسىپ كەتكەن مارقۇمنىڭ تابىتى ءدال تۋعان جەرىنە جەتكەندە تابىلىپتى. اتى-ءجونى سىرتىندا جازىلىپ تۇرعان كورىنەدى.

مەنىڭ ويىما تاعى ءبىر جايت ورالدى: 13-عاسىر. شىڭعىسحان نەمەرەسى قۇبىلاي حان جاپونيانى جاۋلاعىسى كەلەدى. ءبىرىنشى جورىعى ءساتسىز بولادى. 7 جىلدان كەيىن قايتا ورالعان اسكەر تۇگەل مۇحيت داۋىلىنان جويىلىپ كەتەدى. بۇل نە كەزدويسوقتىق پا؟ بۇرىنعى كۇنى ەمەس، ەرتەسى ەمەس ءدال سول كۇنى تۇرعان داۋىلدان كىم ءجون سۇراپتى. تيىندارىن (تەڭگە!)، جاڭعاقتارىن جاۋدىرسا جاۋدىرسىن. تەك جاقسىلىق بولسىن دەيىك.

blogtime.kz