لوندوننان العاشقى التىن قانجىعاعا بايلاندى
استانا. 29 - شىلدە. قازاقپارات - لوندوندا كۇنى كەشە جالاۋىن كوتەرگەن ХХХ جازعى لوندون وليمپياداسىندا قازاقستان ۇلتتىق قۇراماسىنىڭ قورجىنىنا ءبىرىنشى التىن ءتۇستى.
ۆەلوسپورتتان تاس جولداعى ەرلەر اراسىنداعى جارىستا الەكساندر ۆينوكۋروۆ الدىنا جان سالمادى. ايتا كەتەرلىگى، مارەگە سەگىز شاقىرىمنان از قاشىقتىق قالعاندا كوشباسشى توپتا ەكىنشى كەلە جاتقان ا.ۆينوكۋروۆتىڭ الدىنداعى شاباندوز شۇعىل بۇرىلىستا رولگە يە بولا الماي قۇلادى. ءبىزدىڭ سپورتشى دا وعان سوعىلىپ، امالسىزدان كوش باستاپ كەلە جاتقان توپتان كوپ كەيىن قالۋعا ءماجبۇر بولدى. دەگەنمەن، بار كۇشىن جۇمساعان ا.ۆينوكۋروۆ مارەگە بەس شاقىرىم قالعاندا توپتى قۋىپ جەتىپ قانا قويماي، سۋىرىلىپ العا شىعىپ، مارە سىزىعىن ءبىرىنشى بولىپ كەستى. وسىلايشا 248 شاقىرىمدىق جارىس جولىنىڭ سوڭعى ساتتەرىندە الدىنا جان سالماعان ول لوندون وليمپياداسىندا قازاقستان ۇلتتىق قۇراماسىنىڭ قورجىنىنا العاشقى التىندى سالدى.
ەكىنشى ورىندى كولۋمبيالىق ريگوبەرتو ۋران، ال ءۇشىنشى ورىن نورۆەگيالىق ۆەلوشاباندوز الەكساندر كريستوۆ يەلەندى.
اۆتور: مارلان جيەمباي
