پاراليمپياداشىلار بارىس، پاراسات، قۇرمەت وردەندەرىنە يە بولدى

استانا. KAZINFORM - پرەزيدەنت پاراليمپيادا جۇلدەگەرلەرىن جانە باپكەرلەردى مەملەكەتتىك ناگرادالارمەن ماراپاتتاۋ تۋرالى جارلىققا قول قويدى.

قازاقستان رەسپۋبليكاسى پرەزيدەنتىنىڭ جارلىعىمەن پاريج قالاسىندا وتكەن XVII جازعى پاراليمپيادا ويىندارىندا جوعارى جەتىستىكتەرگە جەتكەن سپورتشىلار مەن اتلەتتەردىڭ جاتتىقتىرۋشىلارى مەملەكەتتىك ناگرادالارمەن ماراپاتتالدى.

اتاپ ايتقاندا:

التىن مەدال يەگەرلەرى دەگتياريەۆ داۆيد مامييەۆيچ I دارەجەلى «بارىس» وردەنىمەن، ناۋاتبەك اقمارال مارات قىزى Ⅲ دارەجەلى «بارىس» وردەنىمەن ناگرادتالدى.

كۇمىس مەدالعا قول جەتكىزگەن عابباسوۆ ەركىن تىلەۋعابىل ۇلى، جۇماعالي نۇرداۋلەت ماقسۇت ۇلى جانە شامەي ەرعالي «پاراسات» وردەنىنىڭ كاۆالەرلەرى اتاندى.

«قۇرمەت» وردەنىمەن پاراليمپيادا ويىندارىنىڭ قولا جۇلدەگەرلەرى مۇقاشبەكوۆ داستان مۇرات ۇلى، رايفوۆا زارينا رايف قىزى، فەدوسوۆا دايانا ۆلاديميروۆنا جانە شۇكىربەكوۆ جۇرقامىرزا باقىت ۇلى ماراپاتتالدى.

ۇلتتىق قۇراما باس باپكەرلەرى مەن سپورتشىلاردىڭ جەكە جاتتىقتىرۋشىلارىنىڭ اراسىنان 5 ازاماتقا «پاراسات» وردەنى، 7 ادامعا «قۇرمەت» وردەنى بەرىلدى.

سونىمەن قاتار ەكى جاتتىقتىرۋشى قازاقستان رەسپۋبليكاسى پرەزيدەنتىنىڭ قۇرمەت گراموتاسىمەن ناگرادتالدى.