پاراليمپيادا-2024: قازاقستاندىقتار 9 مەدالمەن جالپى ەسەپتە نەشىنشى ورىندا تۇر

استانا. KAZINFORM - فرانسيا استاناسى پاريج قالاسىندا ءوتىپ جاتقان پاراليمپيادا ويىندارىندا قازاقستان قۇراماسى 9 مەدالمەن ازىرگە 39 ورىندا كەلە جاتىر.

بۇگىن ءتورت جىلدىق دودانىڭ سوڭعى جارىس كۇنى. پاريج تورىندە وتانداستارىمىز مەدالدار سانى جاعىنان ءوز رەكوردىن ورناتتى. بۇعان دەيىن ەل وكىلدەرى جازعى نەمەسە قىسقى پاراليمپيادا ويىندارىندا ءبىر التىننان ارتىق ۇتپاعان بولاتىن. مەدالداردىڭ جالپى سانى بويىنشا الدىڭعى ۇزدىك جەتىستىك توكيو 2020 (بەس ماراپات) وليمپياداسىندا تىركەلگەن بولاتىن.

مىنە، پاريج تورىندە پاراليمپياداشىلارىمىز العاش رەت 9 جۇلدە - 2 التىن، 3 كۇمىس، 4 قولا مەدال جەڭىپ الدى.

ولار:

التىن - داۆيد دەگتياريەۆ (پارا پاۋەرليفتينگ)؛

التىن - اقمارال ناۋاتبەك (پارا دزيۋدو)؛

كۇمىس - ەركىن عابباسوۆ (پارا نىسانا كوزدەۋ)؛

كۇمىس - نۇرداۋلەت جۇماعالي (پارا ءجۇزۋ)؛

كۇمىس - ەرعالي شامەي (پارا دزيۋدو)؛

قولا - داستان مۇقاشبەكوۆ (پارا جەڭىل اتلەتيكا)؛

قولا - دايانا فەدوسوۆا (پارا دزيۋدو)؛

قولا - زارينا رايفوۆا (پارا دزيۋدو)؛

قولا - جۇرقامىرزا شۇكىربەكوۆ (پارا دزيۋدو).

اۆتور كۇنسۇلتان وتارباي