13:05, 15 - قازان 2024 | GMT +6
اقوردادا ارمەنيا پرەزيدەنتى ۆااگن حاچاتۋرياندى سالتاناتتى قارسى الۋ ءراسىمى ءوتتى
استانا. KAZINFORM - «اقوردا» رەزيدەنسياسىندا قازاقستانعا رەسمي ساپارمەن كەلگەن ارمەنيا پرەزيدەنتى ۆااگن حاچاتۋرياندى سالتاناتتى قارسى الۋ ءراسىمى ءوتتى، دەپ حابارلايدى اقوردانىڭ باسپا ءسوز قىزمەتى.
قاسىم-جومارت توقايەۆ پەن ۆااگن حاچاتۋريان ءبىر-بىرىنە رەسمي دەلەگاتسيا مۇشەلەرىن تانىستىردى. قۇرمەت قاراۋىلىنىڭ باستىعى راپورت بەرىپ، ەكى ەلدىڭ ءانۇراندارى ورىندالدى.
سالتاناتتى راسىمنەن كەيىن پرەزيدەنتتەر كەلىسسوز زالىنا باردى.
وسىعان دەيىن ارمەنيا پرەزيدەنتى ۆااگن حاچاتۋريان قازاقستانعا رەسمي ساپارمەن كەلە جاتقانىن جازعان بولاتىنبىز.
جوعارى دەڭگەيدە وتەتىن كەلىسسوزدەر بارىسىندا ساياسي، ساۋدا- ەكونوميكا، مادەني- گۋمانيتارلىق سالالارداعى قازاق- ارميان ىنتىماقتاستىعىن ودان ءارى نىعايتۋ پەرسپەكتيۆالارى تالقىلانادى.
