اقتوبەدە اۆتوبۋس پەن جۇك كولىگى سوقتىعىسىپ، ەكى ادام اۋرۋحاناعا جەتكىزىلدى
اقتوبە. KAZINFORM - اقتوبە قالاسىندا №29-باعىتتاعى اۆتوبۋس پەن جۇك كولىگى سوقتىعىستى. اقتوبە وبلىستىق پ د باسپا ءسوز قىزمەتىنىڭ حابارلاۋىنشا، №29-باعىتتاعى اۆتوبۋس سوڭعى ايالدامادان قوزعالعان.
- اقتوبە- ورسك تاسجولىندا اۆتوبۋس پەن جۇك كولىگى اراسىندا جول-كولىك وقيعاسى بولىپ، جۇرگىزۋشى مەن جولاۋشىلار اۋرۋحاناعا جەتكىزىلدى. وبلىستىق پوليتسيا دەپارتامەنتى جول ەرەجەسىن قاتاڭ ساقتاۋدى ەسكەرتەدى، - دەپ حابارلادى اقتوبە وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.
وقيعا ورنىنا جەدەل جاردەم بارىپ، زارداپ شەككەن 4 ادامدى قاراپ شىقتى.
- اۆتوبۋستىڭ 32 جاستاعى جۇرگىزۋشىسى جابىق باس-مي جاراقاتىمەن اقتوبە وبلىستىق كوپسالالى اۋرۋراحاناعا جەتكىزىلدى. سونىمەن بىرگە 55 جاستاعى جولاۋشىنىڭ وڭ جاق يىعى شىعىپ كەتكەن. ول دا اۋرۋحانادا جاتىر. 73 جاستاعى قاريا جابىق باس-مي جاراقاتىن الدى. وڭ جاق يىعىنىڭ بۋىندارى اۋىرىپ، دارىگەرلەرگە قارالدى. كەيىن ول دا وبلىستىق كوپسالالى اۋرۋحاعانا جەتكىزىلدى. ال، جۇك كولىگىنىڭ جۇرگىزۋشىسى دارىگەرگە قارالمادى، - دەپ حابارلادى اقتوبە وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى.
ايتا كەتەيىك، بيىل اقتوبەدە 400 دەن استام جول-كولىك وقيعاسى بولىپ، وندا 94 ادام كوز جۇمدى.
اۆتور
التىناي ساعىندىقوۆا
