اقتوبە وبلىسىندا باستالعان پيلوتتىق جوبا ەندى وزگە وڭىرلەردە جۇزەگە اسىرىلادى
اقتوبە. KAZINFORM - پيلوتتىق جوبا «اقتوبە وبلىسىنداعى شاعىن جيناقتى اۋىل مەكتەپتەرىنىڭ الەۋەتىن سيفرلى تەحنولوگيالار ارقىلى دامىتۋ» دەپ اتالادى. وڭىردە بىلتىر باستاۋ الدى.
اقتوبەدە اۋىلدارداعى شاعىن جيناقتى مەكتەپتەردى دامىتۋعا باعىتتالعانپيلوتتىق جوبانىڭ قورىتىندىسى بويىنشا رەسپۋبليكالىق سەمينار ءوتتى. وعان ق ر پرەمەر- ءمينيسترىنىڭ ورىنباسارى تامارا دۇيسەنوۆا، اقتوبە وبلىسىنىڭ اكىمى اسحات شاحاروۆ، «قازاقستان حالقىنا» قورى باسقارما ءتوراعاسىنىڭ ورىنباسارى ءلاززات شىڭعىسبايەۆا جانە ءبىلىم بەرۋ سالاسىن تۇراقتى دامىتۋ قورى قامقورشىلىق كەڭەسى ءتورايىمى، قازاقستاننىڭ ەڭبەك سىڭىرگەن ۇستازى كۇلاش شامشيدينوۆا قاتىستى.
سەميناردىڭ مودەراتورى رەتىندە ءسوز العان ايماق باسشىسى اسحات شاحاروۆ پيلوتتىق جوبانىڭ تيىمدىلىگىن اتاپ ءوتتى.
«مەملەكەت باسشىسى قاسىم-جومارت توقايەۆ ءبىلىم سالاسىنا ءاردايىم قولداۋ كورسەتىپ، ونىڭ دامۋىنا سەرپىن بەرەتىن ناقتى مىندەتتەردى جۇكتەدى. بۇگىنگى سەمينار - پرەزيدەنت تاپسىرماسىنا سايكەس، قازاقستاننىڭ ءبىلىم بەرۋ جۇيەسىن جاڭا دەڭگەيگە كوتەرۋگە باعىتتالعان ماڭىزدى قادامداردىڭ ءبىرى. بىلتىر اقتوبە وبلىسىندا جۇزەگە اسىرىلعان «سيفرلىق تەحنولوگيالاردى پايدالانا وتىرىپ، اقتوبە وبلىسىنىڭ شاعىن جيناقتى اۋىلدىق مەكتەپتەرىنىڭ الەۋەتىن دامىتۋ» جوباسى ءبىلىم بەرۋ ساپاسى مەن وقىتۋ تيىمدىلىگىن ارتتىردى. 2023 -جىلمەن سالىستىرعاندا، اۋىل مەكتەپتەرىنىڭ ءبىلىم ساپاسى ورتاشا ەسەپپەن %7 عا ارتتى. وبلىستا ءبىلىم بەرۋدىڭ سيفرلىق ەكوجۇيەسى قالىپتاستى. شاعىن جيناقتى اۋىل مەكتەپتەرىن قولداۋ ماقساتىندا ەلىمىزدە العاش رەت قولعا الىنعان تەڭدەسى جوق ءىرى جوبا ءۇشىن ەڭبەك ەتكەن بارلىق ازاماتتارعا ريزاشىلىعىمدى بىلدىرەمىن»، - دەدى وبلىس اكىمى.
ءوز سوزىندە ۆيتسە-پرەمەر تامارا دۇيسەنوۆا پيلوتتىق جوبانىڭ ناتيجەلەرىن جوعارى باعالاپ، ونى وزگە وڭىرلەردىڭ دە تاجىريبەسىنە ەنگىزۋ كەرەكتىگىن ءسوز ەتتى.
«بۇل جوبانى كەڭەيتە ءتۇسۋ كەرەك. بىرىنشىدەن، شاعىن جيناقتى مەكتەپتەر كوپ ايماقتاردا كوبىرەك ىسكە اسىرۋ كەرەك. ءبىزدىڭ باستى ماقساتىمىز -بارلىق بالاعا ساپالى ءبىلىم بەرۋ»، - دەپ اتاپ ءوتتى تامارا دۇيسەنوۆا.
ءبىر جىل كولەمىندە وبلىس اكىمدىگىمەن بىرگە، قۇزىرلى مينيسترلىك، ءبىلىم بەرۋ سالاسىن تۇراقتى دامىتۋ قورى مەن «قازاقستان حالقىنا» قورى اتالعان جوبانىڭ جۇزەگە اسۋىنا اتسالىستى.
جوبانى جۇزەگە اسىرۋدىڭ ناتيجەسىندە وعان قاتىسقان 134 مەكتەپتىڭ 113 ى امبەباپ كابينەتتەرمەن، قالعانى - جاراتىلىستانۋ جانە تسيفرلىق كابينەتتەرمەن جابدىقتالدى. قارجى «قازاقستان حالقىنا» قورىنان ءبولىنىپ جاتىر. بۇل مەكتەپتەردە ءبىلىم بەرۋدىڭ 4 سيفرلى فورماتى تەستىلەۋدەن وتكىزىلدى. ياعني، ءبىلىم بەرۋ مەكەمەلەرى اۋدان ورتالىقتارىنداعى تىرەك مەكتەپتەرمەن بايلانىس ورناتىپ، پەداگوگتەر دە ستريمينگتى وقىتۋدىڭ تسيفرلىق شەشىمدەرىن پايدالاندى.
سونىڭ ناتيجەسىندە، بىرىنشىدەن وقۋ جىلىنىڭ باسىندا جانە اياعىندا FURO مەن نازاربايەۆ زياتكەرلىك مەكتەپتەرى وتكىزگەن مونيتورينگ پاندەردىڭ بارلىعىنان دەرلىك دامۋ بار ەكەنىن كورسەتتى. ەكىنشىدەن، پيلوتتىق جوبادا تىرەك مەكتەپتەرمەن تىكەلەي بايلانىستا بولىپ، ۇستازدارىنان ءبىلىم العان شاعىن جيناقتى مەكتەپتەردىڭ كورسەتكىشى باسقا وقىتۋ فورمالارىنان جوعارى ناتيجە كورسەتتى. ۇشىنشىدەن، جەرگىلىكتى اتقارۋشى بيلىك وكىلدەرىنىڭ كۇشىمەن مەكتەپتەردىڭ %77,4 ندا ينتەرنەت ماسەلەسى وڭتايلى شەشىلدى.
بۇدان بولەك، پيلوتتىق جوبا شاعىن جيناقتى مەكتەپتەردە پەداگوگ مامانداردىڭ تاپشىلىعى ماسەلەسىن شەشۋگە بولاتىنىن كورسەتتى. ول ءۇشىن تىرەك مەكتەپتەرمەن تىعىز بايلانىس ورناتىپ، تسيفرلىق پلاتفورمالارمەن جۇمىستى كۇشەيتۋ كەرەك. بۇل رەتتە، جەرگىلىكتى ءبىلىم باسقارماسىنىڭ جۇمىسىن اتاپ وتكەن ءجون. وبلىستىق مەتوديكالىق ورتالىق وقىتۋدىڭ ساباق كەستەسىن مەكتەپتەر اراسىندا ۇيلەستىرىپ قانا قويماي، 12 مىڭنان ارتىق ونلاين ساباقتى باقىلاپ، پەداگوگتەرمەن كەرى بايلانىس ورناتتى.
«اقتوبە وبلىسى - تىرەك جانە ماگنيت مەكتەپتەردىڭ كەشەندى جۇمىسى تولىق ىسكە اسقان ەلىمىزدەگى العاشقى ايماق. جوبامىزدىڭ ناتيجەسى شالعاي ايماقتارداعى ساپالى كادر جەتىسپەۋشىلىگىن تىرەك مەكتەپ ۇستازدارى مەن تسيفرلى تەحنولوگيالار ارقىلى شەشۋگە بولاتىنىن كورسەتتىك»، - دەدى ءبىلىم بەرۋ سالاسىن تۇراقتى دامىتۋ قورىنىڭ ديرەكتورى دانيار توقتاربايەۆ.
تاعى ءبىر ايتىپ وتەرلىگى، پيلوتتىق جوبا اياسىندا مەتوديكالىق ۇسىنىستار، اناليتيكالىق ماتەريالدار، زاڭنامالىق اكتىلەرگە ەنگىزىلەتىن وزگەرىستەر ۇسىنىلدى. سەمينارعا قاتىسقان جوبانىڭ سەرىكتەستەرى الداعى ۋاقىتتا وزگە ايماقتارعا جوبانىڭ ۇيىمداستىرۋ مەن ورىنداۋ ادىستەرىن بولىسۋگە دايىن ەكەنىن جەتكىزدى.
