اقتوبە وبلىسى اكىمدىگىنىڭ عيماراتىندا جارىق تولىق ءوشىرىلدى
اقتوبە. KAZINFORM - وبلىس اكىمى شۇعىل جيىن وتكىزدى. جيىندا قاۋىپسىزدىكتى كۇشەيتۋدى تاپسىردى.
اقتوبە وبلىسى اكىمىنىڭ باسپا ءسوز قىزمەتىنىڭ حابارلاۋىنشا، اسحات شاحاروۆ جەدەل شتابتىڭ شۇعىل وتىرىسىن وتكىزدى. جيىندا وبلىس اكىمدىگى عيماراتىنىڭ شاتىرىنداعى ورتكە بايلانىستى جاعداي قارالدى. توتەنشە جاعدايلار دەپارتامەنتى، پوليتسيا دەپارتامەنتى جانە وزگە دە باسقارما باسشىلارى قازىرگى احۋال جونىندە باياندادى. قازىرگى ۋاقىتتا اكىمدىك عيماراتى ەلەكتر جەلىسىنەن تولىق اجىراتىلعان.
- اكىمدىك - جاي عانا عيمارات ەمەس، بۇل ءوڭىردىڭ تۇتاستاي باسقارۋ جۇيەسىن جۇزەگە اسىراتىن نىسان. مۇندا ءاربىر تۇرعىننىڭ ومىرىنە اسەر ەتەتىن ماڭىزدى شەشىم قابىلدانادى. بۇگىن ءبىز توتەنشە جاعدايمەن بەتپە-بەت كەلدىك، الايدا ەڭ باستىسى - قىزمەتكەرلەردىڭ قاۋىپسىزدىگى ءبىزدىڭ باستى نازارىمىزدا. بارلىق قىزمەت ۇيلەسىمدى جۇمىس جۇرگىزىپ جاتىر. ءبىز اكىمدىك جۇمىسىنىڭ قىسقا مەرزىمدە قالپىنا كەلۋىن قامتاماسىز ەتىپ، جاعدايدى جويۋ بارىسى تۋرالى تۇرعىندارعا تولىق اقپارات بەرەمىز، - دەدى اسحات شاحاروۆ.
سونداي-اق اكىمدىك اۋماعىنداعى قاۋىپسىزدىك شارالارىن كۇشەيتۋدى، سالدارى تولىق جويىلعانعا دەيىن ءورت ءسوندىرۋ جانە جەدەل قىزمەتتەردىڭ تاۋلىك بويى كەزەكشىلىگىن ۇيىمداستىرۋدى تاپسىردى. ءورتتىڭ شىعۋ سەبەبىن انىقتاۋ ءۇشىن جان-جاقتى تەكسەرۋ جۇرگىزىلەدى.
ەسڭە سالساق، اقتوبەدە اكىمدىك عيماراتىنىڭ الدىنا جەدەل شتاب قۇرىلدى. ءورت ساعات شامامەن ساعات 20:28 دا بولدى.
اقتوبە وبلىسى اكىمدىگىنىڭ قىزمەتكەرلەرى بۇگىن ونلاين جۇمىس ىستەۋى مۇمكىن.
