اقتوبە قالاسىنداعى گاز تاپشىلىعى 1,6 ميلليارد تەكشە مەترگە جەتكەن
اقتوبە وبلىسىنىڭ اكىمى اسحات شاحاروۆ ءوڭىر ورتالىعىنداعى گاز تاپشىلىعى ماسەلەسى قالاي شەشىلەتىنىن ايتتى، دەپ حابارلايدى Kazinform.
«اقتوبە قالاسىندا جىلىنا 1,6 ميلليارد تەكشە مەتر گاز تاپشىلىعى بايقالىپ وتىر. قولدانىستاعى ماگيسترالدى گاز قۇبىرلارىنىڭ قىستاعى جۇكتەمەسى 175 پايىزعا دەيىن جەتتى. بۇل ماسەلەنى شەشپەي وڭىردە ءىرى ينۆەستيتسيالىق جوبالاردى ىسكە اسىرۋ، تۇرعىن ۇيلەر سالىپ، بيزنەستى دامىتۋ قيىنعا تۇسەدى»، - دەدى اسحات شاحاروۆ.
ونىڭ سوزىنشە، قالاداعى گاز ماسەلەسىن الداعى جارتى عاسىرعا شەشۋگە بولادى.
«وسى تاپشىلىقتى جويۋ ءۇشىن بۇقارا-ورال گاز قۇبىرىنىڭ ءۇشىنشى جەلىسى تارتىلادى. قاجەتتى قاراجات تولىقتاي قاراستىرىلعان. كەلەر جىلى قۇرىلىس جۇمىستارىن اياقتاۋ جوسپارلانعان. بۇل وبلىس ورتالىعىندا گاز تاپشىلىعىن الداعى 50 جىلعا شەشۋگە مۇمكىندىك بەرەدى»، - دەدى اكىم.
