اقتاۋداعى سۇيىتىلعان گاز تاپشىلىعىنىڭ سەبەبى بەلگىلى بولدى
استانا. KAZINFORM - اقتاۋ قالاسىنداعى گاز قۇيۋ بەكەتتەرىندەگى ۇزىن- سونار كەزەك پايدا بولدى. قالادا گاز تاپشىلىعى سەزىلەدى. ماڭعىستاۋ وبلىستىق كاسىپكەرلىك باسقارماسى جاعدايعا قاتىستى تۇسىنىكتەمە بەردى.
باسقارما تاراتقان اقپاراتقا سايكەس، ماڭعىستاۋ وبلىسى - ەلىمىزدەگى سۇيىتىلعان مۇناي گازىنىڭ (س م گ) ءىرى تۇتىنۋشىلارىنىڭ ءبىرى. ءوڭىردىڭ اي سايىنعى تۇتىنۋ كولەمى 18000 مىڭ توننانى قۇرايدى.
وبلىسقا س م گ ءونىمىنىڭ نەگىزگى بولىگى ولكەدەگى قازاق گاز وڭدەۋ زاۋىتىنان جەتكىزىلەدى، ال جەتىسپەيتىن كولەم اتىراۋداعى زاۋىتتان ءبولىنىپ وتىر.
- وسى جىلدىڭ قازان ايىندا اتىراۋداعى زاۋىتتا جوسپارلى جوندەۋ جۇمىستارى جۇرگىزىلۋىنە بايلانىستى قاجەتتى 3658 توننا ءونىم وڭىرگە اقتوبەدەگى زاۋىتتان جەتكىزىلەتىن بولادى. بۇعان دەيىن اتىراۋ زاۋىتىنان ونىمدەر اۆتوكولىك ارقىلى تاسىمالدانسا، اقتوبەدەگى زاۋىتتان تيەپ- جونەلتۋ تەمىر جول ارقىلى جۇزەگە اسىرىلادى. وسىعان بايلانىستى ءونىمنىڭ وڭىرگە جەتۋ مەرزىمى ازداپ كەشىگىپ كەلەدى. وسى سەبەپتى، قازان ايىندا سۇيىتىلعان گازدىڭ تاۋلىكتىك جەتكىزىلىم كولەمى تومەندەپ، ءبىرقاتار گاز قۇيۋ بەكەتىندە كولىك كەزەكتەرى بايقالىپ وتىر. اتىراۋداعى زاۋىتتىڭ جوندەۋ جۇمىستارى قازان ايىنىڭ سوڭىندا اياقتالادى. 1-قاراشادان باستاپ سۇيىتىلعان مۇناي گازىنىڭ جەتكىزىلۋى تولىق قالىپتى رەجيمگە قايتا ورالادى. قازىر ولكەمىزگە اقتوبەندەن 11 ۆاگون كەلدى، كەلەسى 10 ۆاگون 14 ى كۇنى جولعا شىعادى، - دەگەن تۇسىنىكتەمە بەردى ۆەدومستۆو.
بۇدان بۇرىن سۇيىتىلعان مۇناي گازىن ەكسپورتتاۋعا تىيىم سالۋ مەرزىمى بىرنەشە رەت ۇزارتىلعان ەدى.
شىلدەدە اقتوبەدە دە سۇيىتىلعان گازعا كەزەك كوبەيگەنىن جازعانبىز.
