اقتاۋدا وزبەكستاندىق اسكەري سۇڭگۋىرلەر دايىندىقتان ءوتتى
استانا. KAZINFORM - قازاقستان قارۋلى كۇشتەرى اسكەري- تەڭىز كۇشتەرىنىڭ سۇڭگۋىرلىك وقۋ- جاتتىعۋ كەشەنى بازاسىندا سۇڭگۋىرلىك دايارلىق بويىنشا، ونىڭ ىشىندە وزبەكستان اسكەري قىزمەتشىلەرى ءۇشىن وقۋ- جاتتىعۋ جيىندارى ءوتتى.
قورعانىس مينيسترلىگىنىڭ مالىمەتىنشە ءبىر اپتا ىشىندە اسكەري-تەڭىز بازاسىنىڭ تاجىريبەلى نۇسقاۋشىلارىنىڭ جەتەكشىلىگىمەن تەوريالىق جانە پراكتيكالىق كۋرستاردى قامتيتىن قارقىندى دايىندىق جۇرگىزىلدى.
- بارلىق قاتىسۋشىلار كەشەندى دايىندىقتان ءوتىپ، ءوز داعدىلارىن باعالادى جانە ودان ءارى وقىتۋ بويىنشا ۇسىنىمدار الدى، - دەپ ءتۇسىندىردى سۇڭگۋىر جانە ىزدەستىرۋ- قۇتقارۋ قىزمەتىنىڭ باستىعى كاپيتان- لەيتەنانت داۋرەن مەرگەنبايەۆ.
جيىن قورىتىندىسى بويىنشا وقۋدان وتكەن سۇڭگۋىرلەرگە سەرتيفيكاتتار تابىستالدى.
ايتا كەتەلىك بۇگىن پرەزيدەنت قاسىم-جومارت توقايەۆ «اۋماقتىق قورعانىس تۋرالى» زاڭعا جانە وعان ىلەسپە تۇزەتۋلەرگە قول قويعان ەدى.
