اقتاۋ ماڭىنداعى ۇشاق اپاتىنان زارداپ شەككەندەردىڭ قازىرگى جاعدايى ايتىلدى
استانا. KAZINFORM - قازاقستاننىڭ دەنساۋلىق ساقتاۋ ۆيتسە-ءمينيسترى تيمۋر مۇراتوۆ اقتاۋ قالاسى ماڭىندا بولعان اۋە اپاتىنان جاراقات الىپ اۋرۋحانادا جاتقان جانداردىڭ دەنساۋلىق جاعدايى تۋرالى سوڭعى مالىمەتپەن ءبولىستى.
— تاڭەرتەڭ ساناۆياتسيا بورتىمەن رەسەي فەدەراتسياسىنىڭ 9 ازاماتى ودان ءارى ەمدەلۋ ءۇشىن ماسكەۋگە ەۆاكۋاتسيالاندى. سونداي-اق، بۇگىن كەشكە 14 ناۋقاس، ياعني ازەربايجان ازاماتتارى ەلىنە جىبەرىلەدى. قازىر بىزدە 6 پاتسيەنت ەم الىپ جاتىر، ولاردىڭ ۇشەۋى ءازىربايجان ازاماتى جانە ۇشەۋى قىرعىزستان ازاماتى، — دەدى تيمۋر مۇراتوۆ اقتاۋ وتكەن باسپا ءسوز ءماسليحاتىندا.
ۆيتسە-ءمينيستردىڭ ايتۋىنشا، قازىر 4 رەانيماتسيا بولىمىندە، قالعانى جالپى پالاتادا جاتىر.
— ءبىر پاتسيەنتتىڭ جاعدايى وتە اۋىر ءارى تۇراقسىز بولىپ تۇر. ەمدەۋ جالعاسىپ جاتىر، — دەيدى ول.
بۇعان دەيىن اقتاۋدا ازەربايجاندىق ازامات ۇشاق اپاتىنان زارداپ شەككەن تۋىسىن تاپپاي جۇرگەنىن حابارلاعان ەدىك.
