اقتاۋ ماڭىنداعى ۇشاق اپاتى: زارداپ شەككەن وتباسىلارعا قارجىلاي قولداۋ كورسەتىلەدى
استانا. KAZINFORM - اقتاۋ ماڭىنداعى ۇشاق اپاتىنان قازاق تاپقان جانداردىڭ وتباسىنا مەملەكەتتىك الەۋمەتتىك قولداۋ كورسەتىلەدى. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترىنىڭ ءبىرىنشى ورىنباسارى اقمادي سارباسوۆ ءمالىم ەتتى.
— مەملەكەتتىك الەۋمەتتىك ساقتاندىرۋ قورى اياسىندا اسىراۋشىسىنان ايرىلۋ بويىنشا تولەم جاساۋ تۋرالى شەشىم قابىلداندى. جەرگىلىكتى قۇرىلىم جەلىسى بويىنشا دەمەۋشىلەرمەن، جۇمىس بەرۋشىلەرمەن ءوزارا ءىس-قيمىل جاسايمىز. ارينە، ءبىرجولعى كومەك كورسەتىلەدى. قازىر ونىڭ مولشەرى انىقتالادى. كەپىلدەندىرىلگەن مەملەكەتتىك تولەمدەرگە كەلەتىن بولساق، رەسپۋبليكالىق بيۋجەت جەلىسى بويىنشا ءاربىر وتباسى بويىنشا ءتيىستى تولەمدەر جۇزەگە اسىرىلادى، — دەدى اقمادي سارباسوۆ اقتاۋدا وتكەن باسپا ءسوز ءماسليحاتىندا.
ونىڭ مالىمدەۋىنشە، اسىراۋشىسىنان ايىرىلۋ بويىنشا 138 مىڭ تەڭگە كولەمىندە كومەك كورسەتىلەدى.
— مەملەكەتتىك الەۋمەتتىك ساقتاندىرۋ قورى ەسەبىنەن 257 مىڭ تەڭگە تولەم جاسالادى، — دەيدى ول.
بۇعان دەيىن ۇكىمەت باسشىسىنىڭ ورىنباسارى قانات بوزىمبايەۆ اقتاۋ ماڭىنداعى ۇشاق اپاتىنىڭ سەبەبىنە قاتىستى تۇسىنىك بەردى.
سونداي-اق، ۇشاق اپاتىنان زارداپ شەككەندەردىڭ قازىرگى جاعدايى ايتىلدى.
