اقمولا وبلىسىندا كيبەرەرىكتىلەر جاساعى قۇرىلدى

استانا. KAZINFORM - وبلىستىق پد مەن «جاستار رۋحى» جاستار قاناتى اراسىندا ىنتىماقتاستىق تۋرالى مەموراندۋمعا قول قويىلدى. 15 - قاراشادان باستاپ بەيىندى ماماندىقتاردىڭ ستۋدەنتتەرى ەسىرتكى مەن زياندى كونتەنتتىڭ تارالۋىمەن كۇرەسىپ، ازاماتتاردى ينتەرنەتتە قورعاۋمەن اينالىسىپ جاتىر.

كيبەرەرىكتىلەر الەۋمەتتىك جەلىلەردەن باستاپ ماركەتپلەيستەرگە دەيىن، ءارتۇرلى پلاتفورمالارعا مونيتورينگ جۇرگىزەدى جانە تىيىم سالىنعان ماتەريالداردى تەز انىقتايدى. ولار «تۇز» نەمەسە «ءشوپ» سياقتى تەرميندەرگە، سونداي- اق ەسىرتكىمەن بايلانىستى سيمۆوليكاعا نازار اۋدارادى. سونىمەن قاتار ولار كوبىنەسە بەلگىلى ءبىر ەمودزيلەرمەن بىرگە جۇرەتىن «جەڭىل جۇمىس» نەمەسە «كۋرەر» سياقتى ءسوز تىركەستەرى بار، ەسىرتكى جاسىرۋشىلاردىڭ جۇمىسى تۋرالى حابارلاندىرۋلاردى انىقتايدى.

كۇدىكتى مازمۇنداعى ماتىندەر تابىلعان كەزدە ەرىكتىلەر سكرينشوتتاردى بىردەن ءتۇسىرىپ، سىلتەمەلەردى ساقتايدى، سودان كەيىن اقپاراتتى كۋراتورلارعا بەرەدى.

كيبەرەرىكتىلەرگە تاۋەكەلدىڭ الدىن الۋ ءۇشىن كۇدىكتى اككاۋنتتارمەن بايلانىسقا تۇسپەۋ ۇسىنىلادى.

پوليتسەيلەر بۇل باستاما ينتەرنەتتى باقىلاۋدى كۇشەيتىپ، زاڭسىز كونتەنتكە قارسى جەدەل ارەكەت ەتۋگە مۇمكىندىك بەرەدى دەپ ۇمىتتەنەدى.