اقمولا وبلىسىندا «جاسىل ايماق» اپتالىعى ءوتىپ جاتىر

كوكشەتاۋ. KAZINFORM - اقمولا وبلىسىندا «تازا قازاقستان» رەسپۋبليكالىق ەكولوگيالىق اكسياسى اياسىندا «جاسىل ايماق» اپتالىعى ءوتىپ جاتىر. اكسيا بارىسىندا كوكشەتاۋ قالاسىنا 50 ءتۇپ قاراعاي وتىرعىزىلدى.

اقمولا وبلىسى ىشكى ساياسات باسقارماسىنىڭ مالىمەتىنشە، كەنەسارى كوشەسى بويىنداعى جالپى قالالىق 21-ورتا مەكتەپتىڭ ماڭىنا وتكەن شاراعا باسقارما باسشىسىنىڭ ورىنباسارى جانداۋلەت قىلىشبايەۆ، ساياسي جۇمىس جانە قوعامدىق دامۋ ءبولىمىنىڭ باسشىسى المات نۇكەنوۆ، «قوعامدىق دامۋ ورتالىعى» ۇجىمى، «بايتاق» قوعامدىق بىرلەستىگىنىڭ ءتوراعاسى مارات كارىموۆ، «اۋىل» پارتياسى مۇشەسى اسىلحان شاريپوۆ، كوكشەتاۋ قالاسىنىڭ قوعام بەلسەندىلەرى مەن قالا جاستارى قاتىسىپ، بەلسەندىلىك تانىتتى.

«بۇكىل ەلىمىز بويىنشا رەسپۋبليكالىق «تازا قازاقستان» اكسياسى ءوتىپ جاتىر. اكسيانىڭ ءار اپتاسى ءتۇرلى تاقىرىپتارعا ارنالعان. اقمولالىقتار دا بۇل اكسيا ۇلەستەرىن قوسىپ، تاريحي جانە كيەلى ورىنداردى اباتتاندىرىپ، قوقىستان تازارتۋدا. بۇگىن «جاسىل ايماق» اپتالىعى بارىسىندا سۇيىكتى قالامىزدا 50 ءتۇپ قاراعاي وتىرعىزىدىق. وسى يگى ىسكە ۇلەس قوسىپ جاتقان قوعام بەلسەندىلەرىنە العىسىمدى بىلدىرەمىن»، - دەپ اتاپ ءوتتى ىشكى ساياسات باسقارماسى باسشىسىنىڭ ورىنباسارى جانداۋلەت قىلىشبايەۆ.

ايتا كەتسەك، بۇدان بۇرىن كوكشەتاۋدا 9 مىڭعا جۋىق اعاش وتىرعىزىلعانىن جازعان ەدىك.