اقشانى قاي ۆاليۋتادا ساقتاعان دۇرىس؟ ەكونوميست دوللارعا سەنبەۋدى ۇسىندى
استانا. قازاقپارات - بەلگىلى ەكونوميست ماقسات حالىق «وي-لايىق» Youtube-ارناسىنا بەرگەن سۇحباتىندا اقشانى قاي ۆاليۋتادا ساقتاعان دۇرىس ەكەنىن ايتتى.
ەكونوميستىڭ ايتۋىنشا، بۇگىندە دوللارعا 5 رەزەرۆ ۆاليۋتا بار.
«الەمدەگى دوللاردىڭ قۇنى السىرەپ جاتىر، دوللارعا 5 رەزەرۆ ۆاليۋتا بار. ياعني ەگەر دوللار قۇرىسا، ورنىن باسۋى مۇمكىن ۆاليۋتالار قاتارىندا شۆەيتساريانىڭ فرانكى، ۇلى بريتانيانىڭ فۋنت ستەرلينگى، ەۋرو، جاپونيانىڭ يەناسى مەن قىتايدىڭ يۋانى. كەيىنگى جىلدارى يۋان وتە جوعارى دەڭگەيدە كوتەرىلىپ جاتىر. قىتاي يۋاندى الەمدىك ۆاليۋتا جاساۋ ءۇشىن بارلىق العىشارتتى جاساپ وتىرعان ەل. الايدا دوللاردىڭ ءومىرى اياقتالسا، ەكىنشى ۆاليۋتا يۋان بولماۋى دا مۇمكىن. دوللاردىڭ كۇنى ءبىتۋى مۇمكىن دەگەن بولجام بار، سوندىقتان كوپ ۆاليۋتانى دوللار تۇرىندە ۇستاماڭىز دەگەننىڭ تاعى ءبىر سەبەبى وسىندا. بولاشاقتا دوللار الەمدىك اينالىمنان شىعىپ قالاتىن بولسا، ءسىزدىڭ دوللارلىق جيناعىڭىزعا زاقىم كەلەدى. اقشاڭىزدى ءبىزدىڭ بانكتەردى دوللارمەن ۇستاساڭىز بولادى، كەپىلدەندىرىلگەن ساقتاندىرۋ قورى 5 ميلليون تەڭگەگە دەيىنگى دوللاردىق جيناققا كەپىلدىك بەرەدى. ءبىر بانكتە وسى مولشەردەگى سومانى عانا ۇستاي الاسىز، ودان كوپ دوللار ساقتايمىن دەسەڭىز ەكىنشى، ءۇشىنشى بانك تاڭداعان دۇرىس. وسىنداي زاڭدىلىقتار بار، وسىعان بايلانىستى جاڭالىقتى جىبەرمەي، قاراپ وتىرىپ شەشىم قابىلداعان دۇرىس»، - دەدى ەكونوميست.
