دەمالىستا كۇن رايى قانداي بولادى

ەلىمىزدىڭ سولتۇستىك، وڭتۇستىك جانە وڭتۇستىك-باتىسىندا اتموسفەرالىق فرونتتاردىڭ وتۋىنە بايلانىستى اۋا رايى قۇبىلمالى بولادى، جاڭبىر جاۋىپ، نايزاعاي وينايدى دەپ كۇتىلەدى.

ال شىعىس وڭىرلەردە تۇنگى ۋاقىتتا جاۋىن-شاشىن (جاڭبىر مەن قار) ساقتالادى.

23-مامىر كۇنى تۇركىستان، الماتى جانە جامبىل وبلىستارىندا جاڭبىر جاۋىپ، بۇرشاق ءتۇسىپ، ەكپىندى جەل سوعادى. 24-25 مامىردا وڭتۇستىك-شىعىستىڭ تاۋلى ايماقتارىندا تۇندە جاڭبىردىڭ سوڭى قارعا ۇلاسۋى مۇمكىن.

رەسپۋبليكانىڭ قالعان اۋماقتارىندا كوبىنە جاۋىن-شاشىنسىز اۋا رايى بولادى. ەل بويىنشا جەل كۇشەيەدى، وڭتۇستىكتە شاڭدى داۋىل بولۋى ىقتيمال. تۇنگى جانە تاڭعى ساعاتتاردا تۇمان تۇسەدى. سولتۇستىك-شىعىستا، شىعىستا جانە ورتالىق وڭىرلەردە تۇندە 1-3 گرادۋس ۇسىك جۇرەدى.

قازاقستان بويىنشا كۇندىزگى اۋا تەمپەراتۋراسى بىرتىندەپ جوعارىلايدى:

باتىستا +28…+35°س دەيىن،

سولتۇستىكتە جانە ورتالىقتا +20…+32°س دەيىن،

شىعىستا +17…+25°س دەيىن،

وڭتۇستىكتە +22…+35°س دەيىن،

وڭتۇستىك- شىعىستا +20…+28°س دەيىن كوتەرىلەدى.

ايتا كەتەلىك بۇگىن ەلىمىزدىڭ بارلىق قالاسىندا اۋا ساپاسى تالاپقا ساي.