پاۆلوداردا روتاۆيرۋستىق ينفەكسيا جۇقتىرعاندار كوبەيدى

денсаулық
فوتو: پاۆلودار وبلىستىق و ك ق

پاۆلودار. KAZINFORM - ىشەك ينفەكتسياسىن جۇقتىرعانداردىڭ %65-دا دەرت روتاۆيرۋسپەن بايلانىستى. جىل باسىنان بەرى روتاۆيرۋس 98 ادامنان انىقتالعان.

دارىگەرلەر روتاۆيرۋسپەن اۋىرعانداردىڭ سانى وتكەن جىلمەن سالىستىرعاندا 9 ەسەگە ءوسىپ كەتكەنىن ايتىپ، الاڭداپ وتىر.

- روتاۆيرۋس - بۇل اسقازان- ىشەك جولدارىنىڭ ينفەكسيالىق اۋرۋى. ونىڭ بەلگىلەرى قۇسۋ، ءىش ءوتۋ، السىزدىك، جۇرەك اينۋ جانە دەنە قىزۋىنىڭ كوتەرىلۋىمەن سيپاتتالادى. بۇل دەرت كەز كەلگەن بالاعا جۇعۋى مۇمكىن. كوپ جاعدايدا اۋىرعانداردىڭ 95 پايىزى مەكتەپ الدى جاسىنداعى بالالار بولىپ شىعادى. وتكەن جىلى ونىمەن وبلىستا 11 ادام اۋىرسا، بيىل وسى دەرتكە 98 ادام شالدىققان، - دەيدى وبلىستىق سانيتاريالىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى زامزاگۇل دوسجانوۆا.

ماماندار اتالعان ۆيرۋس ءتۇرى اس قورىتۋ جۇيەسى ارقىلى جۇعاتىنىن ەسكەرتەدى. بالا سۋدا شومىلىپ جۇرگەندە نەمەسە كىر قولمەن تاماق ىشكەندە، ىدىس، ورامال، مايلىق، ويىنشىقتار ارقىلى جۇعۋى ىقتيمال.

ەسكە سالا كەتەيىك، بۇعان دەيىن پاۆلوداردا رەسپيراتورلىق ۆيرۋستىق ينفەكسيا جۇقتىرعاندار كوبەيە تۇسكەنى تۋرالى جازعانبىز.

اۆتور
مۇرات اياعان

سوڭعى جاڭالىقتار