پاۆلوداردا قالدىقتاردى زاڭسىز كومىپ كەلگەن كاسىپورىنعا 28 ميلليارد ايىپپۇل سالىندى
پاۆلودار. KAZINFORM - پاۆلودارداعى كاسىپورىن قالدىقتاردى كومۋ ءليميتىن اسىرعانى ءۇشىن 28 ميلليارد تەڭگەگە ايىپپۇل سالىندى. بۇل تۋرالى پاۆلودار وبلىسىنىڭ پروكۋراتۋراسىنىڭ باسپا ءسوز قىزمەتى حابارلادى.
تابيعاتتى قورعاۋ پروكۋراتۋراسى ەكولوگيالىق زاڭنامانىڭ ساقتالۋىنا تالداۋ جۇرگىزۋ بارىسىندا رۇقسات قۇجاتتارىنىڭ تالاپتارىنىڭ ورىندالماعانى انىقتالدى.
وسى دەرەك بويىنشا تەكسەرۋلەر باستالىپ، ناتيجەسىندە ەكولوگتار «ەكوالەم- پ ۆ» ج ش س-نىڭ قىزمەتىندە تۇرمىستىق قاتتى قالدىقتاردى ورنالاستىرۋ كولەمىنىڭ بەلگىلەنگەن ليميتتەن اسقانى انىقتالدى.
اتالعان قۇقىق بۇزۋ بويىنشا سۋبەكت اكىمشىلىك قۇقىق بۇزۋشىلىق تۋرالى كودەكستىڭ 328-بابىنىڭ 6-بولىگىنە سايكەس اكىمشىلىك جاۋاپكەرشىلىككە تارتىلدى.
- بۇل باپتىڭ سانكتسياسى قالدىقتاردى كومۋ تولەمىنىڭ ستاۆكاسىنا قاتىستى ون مىڭ پايىز مولشەرىندە، ياعني بەلگىلەنگەن ليميتتەن تىس جينالعان نەمەسە كومىلگەن قالدىقتار كولەمىنە سايكەس ايىپپۇل سالۋدى كوزدەيدى. ناتيجەسىندە ايىپپۇل سوماسى 28,4 ميلليارد تەڭگە بولدى، - دەلىنگەن حابارلامادا.
اپەللياتسيالىق ساتى العاشقى ينستانسيا سوتىنىڭ سەرىكتەستىكتى اكىمشىلىك جاۋاپكەرشىلىككە تارتۋ تۋرالى قاۋلىسىن وزگەرىسسىز قالدىردى.
ايتا كەتەلىك كومىرسۋتەك سالاسىندا قۇقىق بۇزعاندارعا 50 ميللياد تەڭگە ايىپپۇل سالىنعان ەدى.
