پاۆلوداردا مەكتەپ وقۋشىسى سىنىپتاسى مەن مۇعالىمىنە پىشاق سالدى

پاۆلودار. KAZINFORM - پاۆلودارداعى 14-ورتا مەكتەبىنىڭ وقۋشىسى ءوز سىنىپتاسىن جانە مۇعالىمىن پىشاقپەن جاراقاتتاعان. زارداپ شەككەندەر قازىرگى كۇنى امبۋلاتوريالىق ەم قابىلداپ جاتىر. ومىرلەرىنە قاۋىپ ءتونىپ تۇرعان جوق.

بۇل تۋرالى پاۆلودار وبلىسى پوليتسيا دەپارتامەنتىنەن حابارلادى.

- پاۆلودار قالاسىنىڭ مەكتەپ وقۋشىسى ۇستالدى. ول سىنىپتاسىنا، سونداي-اق مۇعالىمگە پىشاق سالدى. اتالعان فاكتى بويىنشا قىلمىستىق ءىس قوزعالدى. قازىرگى ۋاقىتتا قاجەتتى تەرگەۋ ارەكەتتەرى جۇرگىزىلىپ جاتىر، - دەدى وبلىستىق پوليتسيا دەپارتامەنتى باسشىسىنىڭ ورىنباسارى جاسقايرات قايىروۆ.

تەرگەۋ مۇددەسى ءۇشىن باسقا اقپارات جاريا ەتىلمەيدى.

ال پاۆلودار وبلىسى دەنساۋلىق ساقتاۋ باسقارماسىنىڭ باسپا ءسوز قىزمەتى زارداپ شەككەن ايەل ادام مەن كامەلەت جاسىنا جەتپەگەن ەر بالا قازىرگى ۋاقىتتا جەرگىلىكتى اۋرۋحانالاردا ەم قابىلداپ جاتقانىن جەتكىزدى. بەلگىلى بولعانداي، مەكتەپ مۇعالىمىنىڭ يىعى مەن كەۋدەسى، وقۋشىنىڭ ارقاسى، جاۋىرىن بولىگى جانە يىعى جاراقاتتالعان.

«ولاردى تراۆماتولوگ پەن حيرۋرگ قاراپ شىقتى. جارالارىن ەمدەپ، اسەپتيكالىق تاڭعىشتار قويىلدى. ناۋقاستاردىڭ جالپى جاعدايى قاناعاتتانارلىق، امبۋلاتوريالىق ەمدەلۋگە جىبەرىلدى. زارداپ شەككەندەردىڭ ومىرىنە قاۋىپ جوق»، - دەپ مالىمدەدى باسپا ءسوز قىزمەتىنەن.

ەسكە سالا كەتەيىك، جامبىل وبلىسىندا 8-سىنىپ وقۋشىسى كوشەدەگى اجەتحانادا قايتىس بولدى.

تۇركىستان وبلىسىندا جولدا وقۋشىلار مىنگەن «گازەل» ورتەنىپ كەتتى.