پاۆلوداردا ۇلتىمىزدىڭ اڭىز دومبىراشىلارى بەينەلەنگەن سۋرەتتەر كورمەسى ءوتتى
پاۆلودار. KAZINFORM - ۇلتتىق دومبىرا كۇنىنە وراي ناعىمبەك نۇرمۇحاممەدوۆ اتىنداعى پاۆلودار وبلىستىق كوركەمسۋرەت مۋزەيى ەرەكشە كورمە ۇيىمداستىردى. وندا قازاق مۋزىكا مادەنيەتىنىڭ تۇلعالارى كەسكىندەلگەن كارتينالار قويىلدى.
- دومبىرا - تەك ۇلتتىق نىشان عانا ەمەس، حالىقتىڭ ءۇنىن عاسىرلاردان جەتكىزگەن كيەلى اسپاپ. كورمەگە كەسكىندەمە ونەرىنىڭ كورنەكتى وكىلدەرى - توقبولات توعىسبايەۆ، گۇلفايرۋس ىسمايىلوۆا، ۇكى اجيەۆ، مولداحمەت كەنبايەۆ سىندى سۋرەتشىلەردىڭ تۋىندىلارى قويىلدى.
ولاردىڭ ەڭبەكتەرىندە قۇرمانعازى، دينا نۇرپەيىسوۆا، كەنەن ازىربايەۆ سياقتى قازاق مۋزىكا مادەنيەتىنىڭ اڭىز تۇلعالارىنىڭ بەينەسى سومدالعان، - دەيدى كوركەمسۋرەت مۋزەيىنىڭ باسشىسى اقەرتىس سولتانبايەۆ.
سونداي- اق كورمەدە قازىرگى زامان سۋرەتشىلەرى - نۇرجان ساۋىتبەكوۆ، دجالال اگايەۆ، اينابەك وسپانوۆ، سەيسەنحان ماحانبەتوۆ، رۋستام حۋدايبەرگانوۆ جانە وزگە دە قىلقالام شەبەرلەرىنىڭ تۋىندىلارى ۇسىنىلدى. ولار ءوز ەڭبەكتەرىندە باياناۋىلدىڭ تابيعاتى مەن كيەلى ورىندارىن، سونداي-اق قازاق بولمىسىنا تەرەڭ فيلوسوفيالىق كوزقاراستى كوركەم بەينەلەگەن.
ەسكە سالا كەتەيىك، دومبىرا كۇنى ەل كولەمىندە 300 گە جۋىق ءىس-شارا ۇيىمداستىرىلادى.
