پاۆلوداردا جولاۋشىلار ءجيى شاعىم تۇسىرەتىن تاسىمالداۋشى اۋىستىرىلماق

водитель автобуса
فوتو: pixabay.com

پاۆلودار. KAZINFORM - «پاۆلودار اۆتوكومبيناتى» ج ش س قىزمەت كورسەتەتىن قالاىشىلىك 6 باعىت بويىنشا جولاۋشىلار تاراپىنان ارىز-شاعىم جيىلەپ كەتكەن. جۇرتشىلىق اۆتوبۋستاردىڭ كەشىگىپ كەلەتىنىنە جانە كولىكتەردىڭ ەسكىلىگىنە نارازى.

پاۆلودار قالاسىنىڭ اكىمدىگى №1، 1E ،2 ،9 ،18 جانە 27 اۆتوبۋس باعىتتارى بويىنشا قىزمەت كورسەتەتىن تاسىمالداۋشىمەن اراداعى كەلىسىمشارتتى سوت ارقىلى بۇزعالى وتىر.

- «پاۆلودار اۆتوكومبيناتى» ج ش س التى اۆتوبۋس باعىتىنا قىزمەت كورسەتەدى. اتالعان فيرماداعى قوعامدىق كولىكتەردىڭ ناشار جاعدايى مەن تۇراقتى جۇرمەۋىنە قاتىستى شاعىمدار ءجيى تۇسەدى. تۇرعىن ءۇي- كوممۋنالدىق ءبولىمى كومپانيامەن كەلىسىمشارتتى بۇزاتىنىن، ول بويىنشا سوتقا تالاپ ارىز ءتۇسىرىپ جاتقانى تۋرالى تاسىمالداۋشىنى حاباردار ەتتى، - دەپ حابارلادى قالالىق تۇرعىن ءۇي-كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارىنىڭ بولىمىنەن.

پاۆلودار قالالىق ءماسليحاتىنىڭ ءتوراعاسى قوبىلانبەك قوجيننىڭ سوزىنشە، جوعارىدا اتالعان 6 باعىتتاعى اۆتوبۋستاردىڭ ءجۇرۋ ارالىعى 15-تەن 31 مينۋتقا دەيىن ۇزارعان. سونداي-اق كولىك جەتىسپەۋشىلىگى بار، ماسەلەن №2-باعىتتا قالا كوشەلەرىنە 10 اۆتوبۋس شىعۋى كەرەك بولسا، شىن مانىندە 8 اۆتوبۋس قانا قىزمەت كورسەتكەن.

اۆتور
مۇرات اياعان

سوڭعى جاڭالىقتار