پاۆلودار وبلىسىندا بوپسالاۋمەن اينالىسقان قىلمىستىق توپ ۇستالدى

پاۆلودار وبلىسى پوليتسيا دەپارتامەنتى ۇيىمداسقان قىلمىسقا قارسى كۇرەس باسقارماسىنىڭ جەدەل ۋاكىلدەرى پروكۋراتۋرانىڭ ۇيلەستىرۋىمەن بوپسالاۋمەن اينالىسقان قىلمىستىق توپتى ۇستادى. Kazinform بۇل تۋرالى Polisia.kz-كە سىلتەمە جاساپ حابارلايدى.

قىلمىستىق توپ قۇرامىنا جاسى 25 پەن 35 ارالىعىنداعى ادامدار كىرگەن. قازىرگى ۋاقىتتا كۇدىكتىلەردىڭ بوپسالاۋدىڭ بەس فاكتىسىنە قاتىسى بار ەكەنى انىقتالدى. سونىمەن قاتار توپ مۇشەلەرىنىڭ پاۆلودار وبلىسىنىڭ اۋماعىندا قارۋدى قولدانۋمەن بۇزاقىلىق جاساۋعا جانە پاتەر ۇرلىعىنا قاتىسى بار- جوعى دا تەكسەرىلىپ جاتىر.

ءتىنتۋ شارالارىنىڭ ناتيجەسىندە قاتىسۋشىلاردان بەس اتىس جانە تراۆماتيكالىق قارۋ، قولدان جاسالعان كاستەتتەر، بيتالار مەن پىشاقتار، سونداي- اق رگد-5 گراناتاسى تاركىلەندى. تاركىلەنگەن قارۋ بويىنشا ساراپتاما تاعايىندالدى.

«قىلمىستىق توپتىڭ جەتى مۇشەسى ۇستالدى. ونىڭ ىشىندە ەڭ بەلسەندى ءۇش قاتىسۋشىسى ۋاقىتشا ۇستاۋ يزولياتورىنا قامالدى. جەدەل- تەرگەۋ شارالارى جالعاسۋدا. تەرگەۋ قازاقستان رەسپۋبليكاسى قىلمىستىق كودەكسىنىڭ بىرنەشە بابى بويىنشا جۇرگىزىلىپ جاتىر»، - دەدى ق ر ءى ءى م ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.